କୋଲକାତା: ବହୁ ଚର୍ଚ୍ଚିତ ଆରଜି କର ମହିଳା ଡାକ୍ତର ଦୁଷ୍କର୍ମ ମାମଲା । ଆନ୍ଦୋଳନରତ ଡାକ୍ତରଙ୍କ ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଆଲୋଚନା ହୋଇପାରିନାହିଁ । ଏହାକୁ ନେଇ ମୁଖ୍ୟମନ୍ତ୍ରୀ ମମତା କହିଛନ୍ତି, "ମୁଁ ଡାକ୍ତର ଛାତ୍ରଛାତ୍ରୀଙ୍କୁ ଅପେକ୍ଷା କରି ରହିଲି । ହେଲେ ସେମାନେ ଆସିଲେ ନାହିଁ । ମୁଁ ବି ପୂର୍ବରୁ ଅନେକ ଆନ୍ଦୋଳନ କରିଛି । ମୋର ଆଦୌ କ୍ଷମତା ଲୋଭ ନାହିଁ । ଲୋକଙ୍କ ସ୍ବାର୍ଥ ପାଇଁ ଆବଶ୍ୟକ ପଡ଼ିଲେ ମୁଁ ଇସ୍ତଫା ଦେଇଦେବି ।"
'ସମସ୍ତଙ୍କୁ କ୍ଷମା ମାଗୁଛି'
ମୁଖ୍ୟମନ୍ତ୍ରୀ ମମତା ବାନାର୍ଜୀ ଆହୁରି କହିଛନ୍ତି "ଜୁନିୟର ଡାକ୍ତରଙ୍କ ସହ ଆଲୋଚନା କରିବାକୁ ମୁଁ ଦୀର୍ଘ ସମୟ ଧରି ଅପେକ୍ଷା କରିଥିଲି । ମୁଁ ୩ ଦିନ ଧରି ସେମାନଙ୍କୁ ଅପେକ୍ଷା କରିଛି । ଯେମିତିକି ସେମାନେ ଆସି ନିଜ ସମସ୍ୟା ବିଷୟରେ ମୋତେ ଅବଗତ କରାଇପାରିବେ । ଏପରିକି ସେମାନେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ବି ଅବମାନନା କରିଛନ୍ତି । ତାହା ସତ୍ତ୍ବେ ବି ମୁଁ ସେମାନଙ୍କୁ ଭେଟିବାକୁ ଅପେକ୍ଷା କରି ରହିଥିଲି । ମୁଁ ମୁଖ୍ୟ ଶାସନ ସଚିବ, ଡିଜି, ଗୃହ ସଚିବ ସମସ୍ତଙ୍କୁ ନେଇ ଅପେକ୍ଷା କରିଥିଲି । ହେଲେ ସେମାନେ ଆସିଲେ ନାହିଁ । ଏଣୁ ମୁଁ ସମସ୍ତଙ୍କୁ କ୍ଷମା ପ୍ରାର୍ଥନା କରୁଛି । ରାଜ୍ୟବାସୀ, ଦେଶବାସୀ ଏପରିକି ବିଶ୍ବବାସୀ ଯେଉଁମାନେ ସେମାନଙ୍କୁ ସମର୍ଥନ ଜଣାଉଛନ୍ତି ସମସ୍ତଙ୍କୁ କ୍ଷମା ମାଗୁଛି । ଆପଣ ସେମିତି ସମର୍ଥନ କରୁଥାନ୍ତୁ । ଆମେ ନ୍ୟାୟ ଚାହୁଁ। ଆମେ ରୋଗୀଙ୍କ ପାଇଁ ନ୍ୟାୟ ଚାହୁଁ । ସେମାନଙ୍କ ଚିକିତ୍ସା ପାଇଁ ଡାକ୍ତରମାନେ ଦୟାକରି କାର୍ଯ୍ୟରେ ଯୋଗ ଦିଅନ୍ତୁ ।"
ଡାକ୍ତରଙ୍କୁ ଆଲୋଚନା ପାଇଁ ଡାକିଥିଲେ ମମତା:
ସୂଚନା ଅନୁସାରେ, ପଶ୍ଚମବଙ୍ଗ ମୁଖ୍ୟ ଶାସନ ସଚିବ ମନୋଜ ପନ୍ତ ଆନ୍ଦୋଳନରତ ଡାକ୍ତରଙ୍କ ଏକ ୧୨ ରୁ ୨୫ ସଦସ୍ୟ ବିଶିଷ୍ଟ ପ୍ରତିନିଧି ମଣ୍ଡଳୀ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଆଲୋଚନା ପାଇଁ ଆସନ୍ତୁ ବୋଲି ଆହ୍ବାନ କରିଥିଲେ । ଏନେଇ ସେ ବହୁ ସମୟ ଧରି ଅପେକ୍ଷା କରିଥିଲେୋ ବି ଆଲୋଚନା ପାଇଁ କେହି ଆସିନଥିବା ଜଣାପଡ଼ିଛି । ପୂର୍ବରୁ ଆନ୍ଦୋଳନରତ ଡାକ୍ତରମାନେ ମଧ୍ୟ ମୁଖ୍ୟମନ୍ତ୍ରୀଙ୍କ ସହ ଖୋଲା ଆଲୋଚନା ପାଇଁ ପ୍ରସ୍ତୁତ ଥିବା କହିଥିଲେ ।
ନ୍ୟାୟ ପାଇଁ ଆନ୍ଦୋଳନ:
ଗତମାସ (ଅଗଷ୍ଟ) ୯ ତାରିଖରେ ଘଟିଥିଲା ଆରଜି କର ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା । ସେବେ ଠାରୁ କୋଲକାତା ସମେତ ଦେଶର ବିଭିନ୍ନ ସ୍ଥାନରେ ଜାରି ରହିଛି ଡାକ୍ତର ଆନ୍ଦୋଳନ । ଯାହାକୁ ନେଇ ରୋଗୀ ସେବା ବାଧାପ୍ରାପ୍ତ ହୋଇଛି ।
RG Kar Medical College and Hospital rape-murder case | West Bengal CM Mamata Banerjee says " i am ready to resign from the chief minister of west bengal. i am not concerned about the post. i want justice, i am only concerned about justice getting served." pic.twitter.com/tPoZnTVU3z
— ANI (@ANI) September 12, 2024
#WATCH | RG Kar Medical College and Hospital rape-murder case: West Bengal CM Mamata Banerjee says " i tried my best to sit with the junior doctors. i waited 3 days for them that they should have come and settle their problem. even when they didn't accept the verdict of the… pic.twitter.com/qLD207vSd6
— ANI (@ANI) September 12, 2024
