ରାଞ୍ଚି: ପ୍ରେମ ପାଇଁ ଚାଲିଯାଇଛି ୨ଟି ଜୀବନ । ଏଭଳି ଘଟଣା ଘଟିଛି ଝାଡ଼ଖଣ୍ଡର ଗୋଡ୍ଡା ଜିଲ୍ଲାରେ । ଜଣେ ଶିକ୍ଷକ ନିଜ ସହକର୍ମୀ ପୁରୁଷ ଶିକ୍ଷକ ଓ ପ୍ରେମିକା ଶିକ୍ଷୟିତ୍ରୀଙ୍କୁ ଗୁଳି କରି ହତ୍ୟା କରିଛନ୍ତି । ଏହା ସହ ନିଜର ମଧ୍ୟ ଜୀବନ ନେବାକୁ ପ୍ରୟାସ କରିଛନ୍ତି । ଏ ସମସ୍ତ କାଣ୍ଡ ଗୋଡ୍ଡା ଜିଲ୍ଲାର ଚତରା ଉତ କ୍ରମିକ ବିଦ୍ୟାଳୟର ଲାଇବ୍ରେରୀରେ ଘଟିଛି । ଏହି ଘଟଣା ଯୋଗୁଁ ଉକ୍ତ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଯାଇଛି । ଗୋଡ୍ଡା ଜିଲ୍ଲାର ପୌଡେୟାହାଟ ଥାନା ଅନ୍ତର୍ଗତ ଚତରା ଅଞ୍ଚଳରେ ଜଣେ ଶିକ୍ଷକ ରବି ରଞ୍ଜନ ନିଜ ସହକର୍ମୀ ଆଦର୍ଶ ସିଂ ଓ ପ୍ରେମିକାକୁ ଗୁଳି କରି ହତ୍ୟା କରିଥିଲେ । ଏହା ପରେ ସେ ମଧ୍ୟ ନିଜକୁ ମାରିବାକୁ ଚେଷ୍ଟା କରିଥିଲେ । ଅଭିଯୁକ୍ତ ଶିକ୍ଷକଙ୍କ ଅବସ୍ଥା ଗୁରୁତର ଥିବାରୁ ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ଏହା ମଧ୍ୟ ପଢନ୍ତୁ ... ଗୁଣି ଗାରେଡ଼ି ସନ୍ଦେହରେ ହତ୍ୟାକାଣ୍ଡ; 5ବର୍ଷ ପରେ ଆସିଲା ରାୟ, ବାପା-ପୁଅ ସମେତ ୩ଜଣଙ୍କୁ ଆଜୀବନ କାରାଦଣ୍ଡ
ଏହି ଅଭାବନୀୟ କାଣ୍ଡ ପଛରେ ତ୍ରିକୋଣୀୟ ପ୍ରେମ ସମ୍ପର୍କ ଥିବା ନେଇ ସନ୍ଦେହ କରାଯାଉଛି । ଘଟଣା ସମ୍ପର୍କରେ ପୋଡେୟାହାଟ ଥାନା ପୋଲିସ ନିଜ ଟିମ ସହ ପହଞ୍ଚିଥିଲେ । ପୋଡେୟାହାଟ ଥାନାର ଥାନାଧିକାରୀ ତାରାଚାନ୍ଦଙ୍କ ନେତୃତ୍ବରେ ଆସିଥିବା ଟିମ୍ ଲାଇବ୍ରେରୀର ତାଲା ଭାଙ୍ଗି ଉଭୟ ମୃତଦେହକୁ ଜବତ କରିଥିଲା । ଆହତ ଅବସ୍ଥାରେ ମିଳିଥିବା ଅଭିଯୁକ୍ତ ରବି ରଞ୍ଜନଙ୍କୁ ତୁରନ୍ତ ପୋଲିସ ଚିକିତ୍ସା ପାଇଁ ଡାକ୍ତରଖାନାକୁ ପଠାଇଥିଲା । ମଙ୍ଗଳବାର ଦିନ ସକାଳେ ଏହି ଲାଇବ୍ରେରୀ ଭିତରେ ତିନିଟି ଗୁଳି ଫୁଟିଥିଲା ।
ଗୁଳି ବିନିମୟର ଶବ୍ଦ ଶୁଣିବା ପରେ ସ୍ଥାନୀୟ ଲୋକମାନେ ଏକତ୍ରିତ ହୋଇଥିଲେ । ଏହା ପରେ ପୂରା ଘଟଣା ସମ୍ପର୍କରେ ପୋଲିସକୁ ସୂଚନା ଦିଆଯାଇଥିଲା । ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି । ସୂଚନାଯୋଗ୍ୟ ଯେ ଏହି ଗୁଳି ବିନିମୟରେ ମୃତ୍ୟୁ ବରଣ କରିଥିବା ଶିକ୍ଷକ ଆଦର୍ଶ ସିଂ ଉତ୍ତରପ୍ରଦେଶର ବାସିନ୍ଦା ଥିବା ବେଳେ ଅଭିଯୁକ୍ତଙ୍କ ପ୍ରେମିକା କୁହାଯାଉଥିବା ମହିଳା ଶିକ୍ଷକ ଜଣଙ୍କ ଗୋଦାଦାର ପୋଡ଼ିଆହାଟ ପୋଲିସ ଷ୍ଟେସନର ବାସିନ୍ଦା ଅଟନ୍ତି । ଏଥି ସହିତ ଉଭୟଙ୍କୁ ହତ୍ୟା କରିଥିବା ଅଭିଯୁକ୍ତ ଶିକ୍ଷକ ରବି ରଞ୍ଜନ ପୋଡ଼ିଆହାଟର ବାସିନ୍ଦା ବୋଲି ଜଣା ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
