ପାଟନା: ଦିନେ ପରସ୍ପର ପ୍ରତି ଥିଲା ଅତୁଟ ଭଲ ପାଇବା । ଜଣକୁ କଷ୍ଟ ହେଉଥିଲେ ଅନ୍ୟ ଜଣେ ଆଃ ପଦେ କହୁଥିଲା । ହେଲେ ସେହି ପ୍ରେମ କାହାଣୀର ଆଜି ଭୟାବହ ରୂପ ନେଇଥିବା ଦେଖିବାକୁ ମିଳିଛି । ଡାକ୍ତର ପ୍ରେମିକା ଓ କାଉନସଲିର ପ୍ରେମିକ ମଧ୍ୟରେ ଥିବା ମିଠା ସମ୍ପର୍କରେ ତିକ୍ତତା ଆସିବା ପରେ ଯୁବତୀ ଜଣକ ସଜ୍ଜା ଦେବା ଲାଗି ଅପରାଧିକ ରାସ୍ତା ବାଛିଛି । ଧୋକାକୁ ସହ୍ୟ କରିନପାରି ଯୁବତୀ ଜଣକ ପ୍ରେମିକର ଗୁପ୍ତାଙ୍ଗ କାଟିବା ଭଳି ଘଟଣା ସାମ୍ନାକୁ ଆସିଛି । ବିହାର ସରନ ଜିଲ୍ଲା ମଢୌର ଥାନା ଅଞ୍ଚଳରେ ଏଭଳି ଘଟଣା ଘଟିଛି ।
ପୋଲିସ ହେପାଜତରେ ଯୁବତୀ:- ବିହାର ହାଜିପୁରର 25 ବର୍ଷୀୟ ଡାକ୍ତରୀ ପ୍ରେମିକା ଏବେ ପୋଲିସ ହେପାଜତରେ ଅଛନ୍ତି । ମହିଳା ଡାକ୍ତରଙ୍କ କହିବାନୁସାରେ, "ପ୍ରେମିକ ପାଇଁ ମୁଁ ଘରଦ୍ବାର ଛାଡିଲି । କିନ୍ତୁ ସେ ମୋର ହେବାକୁ ଚାହିଁଲେ ନାହିଁ ।" ପୋଲିସ ଅଭିଯୁକ୍ତ ଯୁବତୀଙ୍କୁ ହେପାଜତକୁ ନେଇଛି । ଏହି ମାମଲା ମଢୌରା ଥାନାରେ ରୁଜୁ ହୋଇଥିବା ବେଳେ ପୋଲିସ ଯୁବତୀଙ୍କୁ ପଚରାଉଚରା କରୁଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇଛି ।
ଗୁରୁତର ଅବସ୍ଥାରେ ଯୁବକ:- ପୋଲିସ ଖବର ପାଇ ପହଞ୍ଚିବା ପରେ ରକ୍ତ ଜୁଡୁବୁଡୁ ଅବସ୍ଥାରେ କାଉନସିଲରଙ୍କୁ ଉଦ୍ଧାର କରିଛି । ପ୍ରଥମେ ପୋଲିସ ଯୁବକଙ୍କୁ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିବା ବେଳେ ପରବର୍ତ୍ତୀ ସମୟରେ ଛପରା ରେଫର କରାଯାଇଥିଲା । ଛପରାରେ ଡାକ୍ତର ଯୁବକଙ୍କ ସ୍ବାସ୍ଥ୍ୟାବସ୍ଥା ଯାଞ୍ଚ କରିବା ପରେ ତାଙ୍କୁ ପିଏମସିଏଚ ରେଫର କରାଯାଇଛି ।
