ନୂଆଦିଲ୍ଲୀ : ଦିଲ୍ଲୀ ପୋଲିସକୁ ମିଳିଛି ଏକ ବଡ଼ ସଫଳତା । ଲଶ୍କର-ଏ-ତାଇବା ମଡ୍ୟୁଲର ଜଣେ ସଦସ୍ୟକୁ ଜାମ୍ମୁ କାଶ୍ମୀରରୁ ଗିରଫ କରାଯାଇଛି । ସୂଚନା ଅନୁଯାୟୀ ଜାମ୍ମୁ କାଶ୍ମୀରର କୁପୱାରା ଠାରେ କାର୍ଯ୍ୟ କରୁଥିଲା । ଏଲଓସି (LOC)ର ବିଭିନ୍ନ ସ୍ଥାନରୁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଆଣିବାରେ ତାଙ୍କର ଏକ ଗୁରୁତ୍ବପୂର୍ଣ୍ଣ ଭୂମିକା ଥିଲା । ଅଭିଯୁକ୍ତ ଜଣକ ରିୟାଜ ଅହମ୍ମଦ ବୋଲି ଜଣାପଡିଛି। ତାଙ୍କ ନିକଟରୁ ଏକ ମୋବାଇଲ ଫୋନ ଏବଂ ଏକ ସିମ କାର୍ଡ ଉଦ୍ଧାର କରାଯାଇଛି।
-
#WATCH | Delhi Police arrests one of the active members of Lashkar-e-Taiba module operating in Kupwara, J&K has been arrested. He played an instrumental role in receiving arms and ammunition from across the LOC. The accused person has been identified as Riyaz Ahmed. One mobile… pic.twitter.com/SM4tUOh3wq
— ANI (@ANI) February 6, 2024
ଅଭିଯୁକ୍ତ ରିୟାଜ ଅହମ୍ମଦଙ୍କୁ ଆଇନ ଅନୁଯାୟୀ ଗିରଫ କରାଯାଇଛି। ସେଏବେ ଜାମ୍ମୁ କାଶ୍ମୀରର ଏକ ପୋଲିସ ଷ୍ଟେସନରେ ଆଛନ୍ତି । ତେବେ ସମ୍ପୃକ୍ତ ପୋଲିସ ଷ୍ଟେସନର ପୋଲିସ ଅଧିକାରୀଙ୍କୁ ଅଭିଯୁକ୍ତ ଉପରେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ନେବା ପାଇଁ କୁହାଯାଇଛି । ଜାମ୍ମୁ-କାଶ୍ମୀର କୁପୱାରାଠାରେ ବିସ୍ଫୋରଣ ହୋଇଥିଲା । ହୋଇଥିବା ବିସ୍ଫୋରଣରେ ଆତଙ୍କବାଦୀ ମଡ୍ୟୁଲର ଜଣେ ପ୍ରମୁଖ ଷଡ଼ଯନ୍ତ୍ରକାରୀଙ୍କୁ ଦିଲ୍ଲୀ ପୋଲିସ ଗିରଫ କରିଛି। ଗତ 1 ଫେବୃଆରୀରେ ତାଙ୍କୁ ଗିରଫ କରାଯାଇଥିଲା। ଖୁରସିଦ ଅହମ୍ମଦ ଏବଂ ଗୁଲାମ ସରୱାର ସହିତ ମିଶି ଅଭିଯୁକ୍ତ ରିୟାଜ ଏଲଓସି (LOC)ରେ ଥିବା ଆତଙ୍କବାଦୀଙ୍କ ଠାରୁ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଆଣିବା ପାଇଁ ଯୋଜନା କରିଥିଲା । ଏହି ପରିପ୍ରେକ୍ଷୀରେ ଧାରା 120 ବି ଆଇପିସି, 7/25 ଭାରତୀୟ ଅସ୍ତ୍ରଶସ୍ତ୍ର ଆଇନ, 13, 18, 20, 23, 38, 39 ୟୁଏ (ପି) ଅଧିନିୟମ ଅନୁଯାୟୀ ଏକ ମାମଲା ରୁଜୁ ହୋଇଛି । ତେବେ ଏହି ମାମଲାକୁ ନେଇ ଅଧିକ ଅନୁସନ୍ଧାନ ଜାରି ରହିଛି।
ଏହା ମଧ୍ୟ ପଢ଼ନ୍ତୁ... କେନ୍ଦ୍ରୀୟ ସଶସ୍ତ୍ର ବଳ ଓ ଆସାମ ରାଇଫଲରେ ନିଯୁକ୍ତି ପାଇଛନ୍ତି 41 ହଜାର ମହିଳା: କେନ୍ଦ୍ର
ଗତ ବର୍ଷ (2023)ରେ ବିଭିନ୍ନ ଆତଙ୍କବାଦ ନିରୋଧୀ ଅପରେସନରେ ସୁରକ୍ଷା ବଳ ଓ କାଶ୍ମୀର ପୋଲିସ ଦ୍ବାରା ଜମ୍ମୁ କାଶ୍ମୀରରେ ଗିରଫ ହୋଇଥିଲେ 36 ହାର୍ଡକୋର ଆତଙ୍କବାଦୀ । ଏହା ସହ 122 ଆତଙ୍କୀ ସହଯୋଗୀ ବା ‘ଓଭର ଗ୍ରାଉଣ୍ଡ ଓ୍ବାର୍କର୍ସ’ଙ୍କୁ ମଧ୍ୟ ଗିରଫ କରାଯାଇଥିଲା । ଏମାନଙ୍କ ମଧ୍ୟରେ 7 ଜଣ ମହିଳା ଥିଲେ । ଏମାନେ ଆତଙ୍କବାଦୀ ସହଯୋଗ କରିବା ଓ ଆକ୍ରମଣକୁ ରୂପ ଦେବାରେ ପ୍ରଚ୍ଛନ୍ନ ସହାୟତା କରିଥିବା ଅଭିଯୋଗରେ ଗିରଫ ହୋଇଥିଲେ । ପୋଲିସର ସବିଶେଷ ତଥ୍ୟ ଅନୁସାରେ, ଗିରଫ 36 ଆତଙ୍କୀ ମଧ୍ୟରେ 15 ହାଇବ୍ରିଡ ବା କୁଖ୍ୟାତ ଆତଙ୍କୀ ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
