ନୂଆଦିଲ୍ଲୀ: ଆଉ ନାହାନ୍ତି ଭାରତୀୟ କମ୍ୟୁନିଷ୍ଟ ପାର୍ଟି (CPIM) ନେତା ସୀତାରାମ ୟେଚୁରୀ । ଚିକିତ୍ସାଧୀନ ଅବସ୍ଥାରେ ନୂଆଦିଲ୍ଲୀ ସ୍ଥିତ ଏମ୍ସରେ ସେ ଆଖି ବୁଜିଛନ୍ତି । ପାଖାପାଖି ୧ ମାସ ହେବ ସେ ଗୁରୁତର ହୋଇ ଚିକିତ୍ସାଧୀନ ଥିଲେ । ଗତ ୧୯ ଅଗଷ୍ଟରେ ତାଙ୍କୁ ଦିଲ୍ଲୀ ସ୍ଥିତ ଏମ୍ସରେ ଭର୍ତ୍ତି କରାଯାଇଥିଲା । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ହୋଇଥିବା ଜଣାପଡ଼ିଛି । ଦୀର୍ଘ ଦିନ ହେବ ସେ ଫୁସଫୁସ ଜନିତ ରୋଗରେ ପୀଡିତ ଥିଲେ । ୨୦୦୫ରୁ ୨୦୧୭ ପଶ୍ଚିମବଙ୍ଗ ରାଜ୍ୟସଭା ସାଂସଦ ଥିଲେ ସୀତାରାମ । ୨୦୧୬ ମସିହାରେ ଶ୍ରେଷ୍ଠ ସାଂସଦ ଭାବେ ପୁରସ୍କୃତ ହୋଇଥିଲେ ସୀତାରାମ ୟେଚୁରୀ ।
ସୀତାରାମଙ୍କ ରାଜନୈତିକ କ୍ୟାରିୟର:
୧୯୭୪ରେ ଷ୍ଟୁଡେଣ୍ଟ ଫେଡେରେସନ ଅଫ୍ ଇଣ୍ଡିଆରେ ସାମିଲ ହୋଇ ଛାତ୍ର ରାଜନୀତିରେ ଏଣ୍ଟ୍ରି କରିଥିଲେ । ୧୯୭୭ରେ ଏମରଜେନ୍ସି ଘୋଷଣା ସମୟରେ ଗିରଫ ହେବା ପରେ ସେ JNUରୁ ପିଏଚଡି ପାଠ୍ୟକ୍ରମ ଶେଷ କରିବାରେ ସଫଳ ହୋଇପାରିନଥିଲେ । JNUକୁ ବାମପନ୍ଥୀଙ୍କ ଗଡ଼ ଭାବେ ଉଭା କରିବାରେ ସୀତାରାମ ୟେଚୁରୀଙ୍କ ଅବଦାନ ଅନେକ ଥିଲା । ୨୦୦୫ରୁ ୨୦୧୭ ପଶ୍ଚିମବଙ୍ଗ ରାଜ୍ୟସଭା ସାଂସଦ ଥିଲେ ସୀତାରାମ । ୨୦୧୬ ମସିହାରେ ଶ୍ରେଷ୍ଠ ସାଂସଦ ଭାବେ ପୁରଷ୍କୃତ ହୋଇଥିଲେ ସୀତାରାମ ୟେଚୁରୀ ।
ପ୍ରତି କ୍ଷେତ୍ରରେ ବେଶ ସକ୍ରିୟ ସୀତାରାମ:
ଛାତ୍ର ରାଜନୀତିରୁ କ୍ୟାରିୟର ଆରମ୍ଭ କରିଥିବା ସୀତାରାମ ଦେଶର ଜଣେ ବଡ଼ ବାମପନ୍ଥୀ ନେତା ଭାବେ ଉଭା ହୋଇଥିଲେ । ଶ୍ରେଷ୍ଠ ସାଂସଦ ଭାବେ ସେ ପୁରସ୍କୃତ ହୋଇଥିଲେ । ଯଦିଓ ବିଧାନସଭାରେ ପ୍ରତିନିଧିତ୍ବ କରିବାରେ ସେତେଟା ସଫଳ ରହିନାହାନ୍ତି, ତଥାପି ଦେଶର ଏଜେଣ୍ଡା ପ୍ରସ୍ତୁତ କରିବାରେ ସେ ସବୁବେଳେ CPIM ତରଫରୁ ମୁଖ୍ୟ ଭୂମିକା ନିର୍ବାହ କରିଆସିଥିଲେ । ଏପରିକି ରୋଗ ଶଯ୍ୟାରେ ଥିବା ସମୟରେ ମଧ୍ୟ ସେ ସବୁ ବିଷୟରେ ବେଶ ସକ୍ରିୟ ଥିଲେ । ଯାହାକି ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲ (X)ରୁ ସ୍ପଷ୍ଟ ଅନୁମେୟ ।
Deeply grieved at the passing away of Abdul Ghafoor Noorani, an extraordinary intellect of Constitutional, legal matters. He invited me and fed me Biriyani that he made at his flat in Mumbai, way back in 1993 after reading my small pamphlet ‘What is this Hindu Rashtra’ an expose… pic.twitter.com/d4qBNm8sYv
— Sitaram Yechury (@SitaramYechury) August 29, 2024
ସୀତାରାମ ୟେଚୁରୀଙ୍କ ଶିକ୍ଷାଗତ ଯୋଗ୍ୟତା:
ପାଦେ ପାଦେ ସରକାରଙ୍କୁ ଜଗୁଥିଲେ । ରାଜନୈତିକ ମୁଦ୍ଦା ଉଠାଇ ସରକାରଙ୍କୁ ଘେରିବା ସହ ଜନତାଙ୍କ ପାଇଁ ଲଢେଇ କରିବାରେ ସେ ଥିଲେ ବେଶ ପାରଙ୍ଗମ । ପଶ୍ଚିମବଙ୍ଗରୁ ସାସଂଦ ହୋଇଥିବା ଏହି ନେତା ଦେଶରେ ବେଶ ପରିଚିତ । ୧୯୮୪ ମସିହାରେ ମାତ୍ର ୩୨ ବର୍ଷ ବୟସରେ CPI (M) ସେଣ୍ଟ୍ରାଲ କମିଟିର ସେ ନେଇଥିଲେ ଗୁରୁ ଦାୟିତ୍ବ । ତାଙ୍କ ଶିକ୍ଷାଗତ ଯୋଗ୍ୟତା ମଧ୍ୟ ବେଶ ଭଲ । ଜଣେ ମେଧାବୀ ଛାତ୍ର ଥିଲେ ସୀତାରାମ ୟେଚୁରୀ । ପାଠରୁ ଆରମ୍ଭ କରି ଶାଠ ସବୁଥିରେ ସେ ଥିଲେ ପାରଙ୍ଗମ । CBSE ବୋର୍ଡ ପରୀକ୍ଷାରେ ଟପ୍ପର ସହ ବିଶ୍ବବିଦ୍ୟାଳୟ ସ୍ତରୀୟ ଟେନିସ ଖେଳାଳି ମଧ୍ୟ ଥିଲେ ସୀତାରାମ ୟେଚୁରୀ । ଅର୍ଥନୀତିରେ MA କରିଥିବାବେଳେ ଇନ୍ଦିରାଗାନ୍ଧୀ ସରକାରଙ୍କ ଏମରଜେନ୍ସି ସମୟରେ ତାଙ୍କୁ ଅଧାରୁ PhD ଛାଡିବାକୁ ପଡ଼ିଥିଲା ।
