ନୂଆଦିଲ୍ଲୀ: ମାସ ଆରମ୍ଭରୁ ଖାଉଟିଙ୍କୁ ଝଟକା । ମହଙ୍ଗା ହେଲା କମର୍ସିଆଲ ବା ବ୍ୟବସାୟିକ ଗ୍ୟାସ ସିଲିଣ୍ଡର । 39 ଟଙ୍କା ବଢ଼ିଲା କମର୍ସିଆଲ ଗ୍ୟାସ ସିଲିଣ୍ଡର ଦର । ଆଜିଠୁ ଏହି ବର୍ଦ୍ଧିତ ଲାଗୁ ହୋଇଛି । ଯାହାଫଳରେ ଜାତୀୟ ରାଜଧାନୀ ଦିଲ୍ଲୀରେ 19 କେଜି କର୍ମସିଆଲ ଗ୍ୟାସ ସିଲିଣ୍ଡର ଦର 1691.50 ଟଙ୍କା ହୋଇଯାଇଛି । ପୂର୍ବଥର ଭଳି ଏଥର ମଧ୍ୟ ଘରୋଇ ଗ୍ୟାସ ସିଲିଣ୍ଡର ମୂଲ୍ୟରେ କୌଣସି ପ୍ରକାର ସଂଶୋଧନ ହୋଇନାହିଁ ।
Oil marketing companies have revised the prices of commercial LPG gas cylinders. The rate of 19 KG commercial LPG gas cylinders has been increased by Rs 39 in Delhi with effect from September 1. Delhi retail sales price of 19kg commercial LPG cylinder is Rs 1,691.50 from today. pic.twitter.com/qiJTAucOOc
— ANI (@ANI) August 31, 2024
ଜୁଲାଇ ମାସରେ କମିଥିଲା ରନ୍ଧନ ଗ୍ୟାସ ଦର: ଗତ ଜୁଲାଇ ମାସରେ ତୈଳ ବିପଣନ କମ୍ପାନୀ ଗୁଡିକ 19 କିଲୋଗ୍ରାମ ବିଶିଷ୍ଟ କମର୍ସିଆଲ ଗ୍ୟାସ ସିଲିଣ୍ଡର ମୂଲ୍ୟ 30 ଟଙ୍କା କମ୍ କରିଥିଲେ । ଫଳରେ ଦିଲ୍ଲୀରେ କମର୍ସିଆଲ ଏଲପିଜି ସିଲିଣ୍ଡର ମୂଲ୍ୟ 1646 ଟଙ୍କା ହୋଇଥିଲା । ଆଜି ଏହି ସିଲିଣ୍ଡର ଦର 39 ଟଙ୍କା ବଢିବାରୁ ଏହାର ମୂଲ୍ୟ 1691.50 ଟଙ୍କା ହୋଇଛି । ଗତ ମାର୍ଚ୍ଚ ମାସରେ 19 କିଲୋଗ୍ରାମ ବିଶିଷ୍ଟ କର୍ମସିଆଲ ଏଲପିଜି ସିଲିଣ୍ଡର 25 ଟଙ୍କା 50 ପଇସା ବୃଦ୍ଧି ହୋଇଥିଲା । ଫେବୃଆରୀ ମାସରେ ରନ୍ଧନ ଗ୍ୟାସ ଦର 14 ଟଙ୍କା ବୃଦ୍ଧି ପାଇଥିଲା ।
ପ୍ରତି ମାସ ଆରମ୍ଭରୁ ଏଲପିଜି ସିଲିଣ୍ଡର ଦରରେ ସଂଶୋଧନ ହୋଇଥାଏ । ହୋଟେଲ, ରେସ୍ତୋରାଁ, ଚା' ଷ୍ଟଲ, ଓ ଅନ୍ୟ ଭୋଜନାଳୟଗୁଡିକ କମର୍ସିଆଲ ଗ୍ୟାସ ସିଲିଣ୍ଡରର ବଡ ଉପଭୋକ୍ତା ଅଟନ୍ତି । ଏହି ଗ୍ୟାସ ଦାମ ବଢିଲେ ସେମାନେ ନିଜର ଖାଦ୍ୟପଦାର୍ଥ ମୂଲ୍ୟ ବଢାଇଥାନ୍ତି । ତେଣୁ କମର୍ସିଆଲ ଗ୍ୟାସ ଦର ବଢିବା ପରେ ଖାଦ୍ୟପଦାର୍ଥର ମୂଲ୍ୟ ମଧ୍ୟ ବଢିପାରେ । କମର୍ସିଆଲ ଗ୍ୟାସ ସିଲିଣ୍ଡର ଦାମ ବଢିଥିଲେ ହେଁ ଘରୋଇ ସିଲିଣ୍ଡର ଦାମରେ କୌଣସି ସଂଶୋଧନ ହୋଇନଥିବାରୁ ଦିଲ୍ଲୀ, ମୁମ୍ବାଇ, ଚେନ୍ନାଇ ଏବଂ କୋଲକାତା ସମେତ ଅନ୍ୟ ଛୋଟ ବଡ ସହରରେ ଏହି ଦାମ ସମାନ ରହିଛି ।
ବ୍ୟୁରେ ରିପୋର୍ଟ, ଇଟିଭି ଭାରତ
