हैदराबाद PETROL PUMPS FRAUD : पेट्रोल पंपवार तेल भरताना होणारी फसवणूक चिंतेचा विषय आहे. यामुळं जगभरातील ग्राहक प्रभावित होत आहेत. अनेक पेट्रोल पंप कायदेशीररित्या चालत असताना, काही पेट्रोल पंपचालक त्यांतून पळवाटा काढतात. ते गाडीत इंधन भरताना ग्राहकांची विविध प्रकारे फसवणूक करतात. ग्राहकांची फसवणूक विविध मार्गांनी होऊ शकते, इंधनामध्ये छेडछाड करण्यापासून ते किमतीत दिशाभूल करण्यापर्यंत. पेट्रोल पंपचालकाच्या या युक्त्या समजून घेणं महत्त्वपूर्ण आहे. पेट्रोल पंपावर ग्राहकांची फसवणूक कशी होते?, गाडीत पेट्रोल भरताना काय काळजी घ्यावी, जाणून घेऊया सविस्तर बातमीतून...
इंधनाचं वितरण : पेट्रोल पंपावर सर्वात सामान्य फसवणूक म्हणजे तुमच्या गाडीत कमी इंधन टाकणं.पेट्रोल भरताना मशिनच्या डिस्प्लेमध्ये वितरित केलेल्या इंधनाची योग्य मात्रा दिसते, परंतु वास्तविक तुमच्या गाडीत इंधन कमी टाकलं जातं. मशिनमध्ये छेडछाड केलेल्या डिस्पेंसरमुळं असं होऊ शकतं. इंधनाचं प्रमाण कमी करण्यासाठी इलेक्ट्रॉनिक पद्धतीनं मशिनमध्ये काही बदल केले जातात. एखाद्या ग्राहकानं 10 लिटर पेट्रोल त्याच्या गाडीत टाकलं असेल, परंतु प्रत्यक्षात त्यांना 9 लिटर किंवा त्याहून कमी पेट्रोल मिळू शकतं. यातील फरक ओळखणं ग्राहकांसाठी फार कठीण असतं. विशेषत: जर ग्राहक घाईत असेल, तर फसवणूक होण्याची दाट शक्यता असते.
मीटर मॅनिपुलेशन : काही प्रकरणांमध्ये, पेट्रोल पंपावर इंधन मीटरमध्ये छेडछाड करतात, जे पेट्रोलचा प्रवाह आणि मापन नियंत्रित करतं. मीटरमध्ये बदल करून, अटेंडंट डिस्प्ले अपरिवर्तित ठेवून वितरित केल्या जाणाऱ्या इंधनाचं प्रमाण कमी करण्याची शक्यता असते. या फसव्या पद्धती सहसा मीटर नियंत्रित करणाऱ्या इलेक्ट्रॉनिक चिप्सचा वापर करून केल्या जातात. दररोज असं केल्यास पेट्रोल पंप चालकांना इंधनातून भरीव नफा मिळू शकतो.
बनावट इंधन : पेट्रोल पंपांवर आणखी एक सामान्य फसवणूक म्हणजे भेसळयुक्त इंधन विकणं. पेट्रोल किंवा डिझेलमध्ये केरोसीन किंवा इतर स्वस्त पदार्थांमध्ये मिसळलं जाऊ शकतं, ज्यामुळं इंधनाची गुणवत्ता कमी होते. यामुळं केवळ ग्राहकांचीच फसवणूक होत नाही, तर कालांतरानं वाहनांच्या इंजिनचंही नुकसान होतं. इंधनाची चाचणी केल्याशिवाय अशा प्रकारची फसवणूक शोधणं कठीण आहे. परंतु इंधन भरल्यानंतर लगेचच कमी इंधन कार्यक्षमता किंवा इंजिन खराब होणे, ही भेसळयुक्त इंधनाची चिन्हं असू शकतात.
शून्य मीटर काटा : इंधन भरण्यापूर्वी, पेट्रोल पंप मीटर शून्यावर सेट करणं आवश्यक आहे. अनेक फसवणूक प्रकरणांमध्ये, ऑपरेटर मीटर शून्यावर रीसेट करत नाहीत. ते मीटर सेट न करताच आपल्या गाडीत इंधन भरतात. तसंच तुमचं मीटर काट्याकडं लक्ष नसेल तर, तुमची फसवणूक होण्याची दाट शक्यता असते.
प्रीमियम इंधन : काही पेट्रोल पंप चालक ग्राहकांना प्रीमियम इंधन खरेदी सांगतात. प्रीमियम इंधन अधिक चांगलं मायलेज देतं, असं ते नेहमी सांगतात. प्रत्यक्षात, सर्व वाहनांना प्रीमियम इंधनाची आवश्यकता नसते. काही पेट्रोल पंप चालक नियमित इंधनासाठी प्रीमियम किंमती देखील आकारू शकतात.
काय काळजी घ्यावी : पेट्रोल पंपवर होणारी फसवणूक अत्याधुनिक असली तरी, तुम्ही विविध प्रकारे तुमची फसणूक थांबवू शकता.
मीटरच्या शुन्याकडं लक्ष द्या : इंधन भरण्यापूर्वी इंधन पंपावर मीटर शून्यावर असल्याची नेहमी खात्री करा.
इंधन भरण्याच्या प्रक्रियेचं निरीक्षण करा : संपूर्ण इंधन भरण्याच्या प्रक्रियेदरम्यान सतर्क राहा. तसंच मीटरवरील रक्कम तुम्ही भरत असलेल्या इंधनाशी जुळत असल्याची खात्री करा.
इंधन पावती घ्या : गाडीत पेट्रोल टाकल्यानंतर नेहमी पावती मागा. आकारलेली रक्कम पुन्हा तपासा, विशेषतः जर तुम्ही कार्डद्वारे पैसे देत असाल, तर काळजीपूर्वक पावती पहा.
प्रीमियम इंधनाबाबत सावधगिरी बाळगा : तुमच्या वाहनाला प्रीमियम इंधनाची आवश्यकता नसल्यास, नियमित इंधनाची निवड करा.
इंधनाची कार्यक्षमता तपासा : तुमच्या वाहनाच्या इंधन कार्यक्षमतेचा आढावा घ्या. एखाद्या विशिष्ट पंपावर इंधन भरल्यानंतर तुम्हाला इंधनात घट दिसल्यास, त्या पेट्रोल पंपावर इंधन भरण्याचं टाळा.
विश्वसनीय पेट्रोल पंपावर जा : जेव्हा शक्य असेल तेव्हा विश्वसनीय पेट्रोल पंपावर इंधन टाकण्याचा प्रयत्न कारा.
इथं करा तक्रार : पेट्रोल पंपावर होणारी ग्राहकांची फसवणूक दुर्दैवी आहे. परंतु तुम्ही जागरूक असल्यास फसवणूक होण्याची शक्यता कमी असते. तुम्ही सतर्क राहून प्रतिबंधात्मक उपाय केल्यास अशा फसवणुकीला टाळू शकतात. तुम्हाला तक्रार करायची असल्यास, तुम्ही pgportal.gov.in वर तक्रार नोंदवू शकता. याशिवाय तुम्ही पेट्रोलियम आणि नैसर्गिक वायू मंत्रालयाच्या अधिकृत वेबसाइटवरही तक्रार करू शकता. याशिवाय तुम्ही इंडियन ऑइल पेट्रोल पंप आणि एचपी पेट्रोल पंपाच्या हेल्पलाइन क्रमांक 1800-2333-555 वर देखील तक्रार करू शकता.
हे वाचलंत का :
