हैदराबाद : SpaceX ड्रॅगन अंतराळयान शुक्रवारी दुपारी 12:59 वाजता पेन्साकोला, फ्लोरिडाच्या किनारपट्टीवर सुरक्षितपणं उतरलंय. यामध्ये आंतरराष्ट्रीय अंतराळ स्थानकावर सात महिने घालवलेल्या अमेरिकन आणि रशियन अंतराळवीरांचा समावेश आहे. स्पेसएक्स क्रू 8 मध्ये नासाचे अंतराळवीर मॅथ्यू डॉमिनिक, मायकेल बॅरेट आणि जीनेट एप्स तसंच रोसकॉसमॉस अंतराळवीर अलेक्झांडर ग्रेबेंकिन हे सात महिने अंतराळात होते.
LIVE: #Crew8 returns home from their mission on the @Space_Station. Splashdown of the @SpaceX Dragon capsule is expected at 3:29am ET (0729 UTC). https://t.co/PdNQljsPoG
— NASA (@NASA) October 25, 2024
ड्रॅगन स्पेसक्राफ्ट सुरक्षित लॅंड : यशस्वी स्प्लॅशडाउननंतर, SpaceX रिकव्हरी टीम्सनं ड्रॅगन स्पेसक्राफ्ट सुरक्षित केलं. त्यानंतर क्रूची वैद्यकीय तपासणी करण्यात आली. तेथून त्यांना ह्यूस्टनमधील NASA च्या जॉन्सन स्पेस सेंटरमध्ये नेण्यात आलं. NASA आणि SpaceX नं क्रू 8 मिशन आणि क्रूच्या पृथ्वीवर परत येण्याबाबत चर्चा करण्यासाठी एक मीडिया टेलिकॉन्फरन्स देखील आयोजित केली होती.
Dragon splashes down off the coast of Florida with the Crew-8 astronauts after spending 235 days on-orbit and completing SpaceX’s 13th human spaceflight mission pic.twitter.com/LR6uTLWX2F
— SpaceX (@SpaceX) October 25, 2024
7 महिन्यांत केले 200 प्रयोग : या मोहिमेची सुरूवातीस लहान प्रक्षेपण कालावधीसाठी नियोजित करण्यात आली होती, परंतु बोईंगच्या स्टारलाइनर अंतराळयानाला विलंब झाल्यामुळं ती वाढविण्यात आली.आंतरराष्ट्रीय अंतराळ स्थानकावर क्रू 8 अंतराळवीरांनी मानवी आरोग्य, विज्ञान आणि कृषी यासह विविध क्षेत्रात 200 हून अधिक प्रयोग केले.
ISS वर 200 हून अधिक प्रयोग : क्रू 8 अंतराळवीरांनी ISS वर 200 हून अधिक प्रयोग केले, ज्यात मानवी आरोग्य, शेती आणि विज्ञानातील नवीन माहिती दिली गेली. त्यांनी मेंदूच्या अवयवांवर आणि वनस्पतींवर सूक्ष्म गुरुत्वाकर्षणाच्या परिणामांचा अभ्यास केला. या मिशननं भविष्यातील अंतराळ मोहिमांसाठी आवश्यक माहिती गोळा केली. क्रू 8 ची यशस्वी चाचणी NASA आणि Space-X यांच्यातील भागीदारीतील महत्त्वपूर्ण कामगिरी आहे.
4 मार्च रोजी हे अभियान सुरू : NASA नं यावर्षी 4 मार्च रोजी क्रू 8 मिशन लाँच केलं होतं. ज्यामध्ये नासाचे मॅथ्यू डोमिनिक, मायकेल बॅरेट, जीनेट एप्स आणि रशियाचे अलेक्झांडर ग्रेबेंकिन यांचा समावेश होता. आणीबाणीच्या परिस्थितीत अतिरिक्त सहाय्य प्रदान करण्यासाठी, बोइंगच्या स्टारलाइनर अंतराळ यानाच्या खराबीमुळं मोहिमेचा कालावधी वाढविण्यात आला होता. गेल्या काही दिवसांतील चक्रीवादळ मिल्टन आणि खराब हवामानामुळं स्प्लॅशडाउनला विलंब झाला होता, परंतु अनुकूल हवामानामुळं क्रूला सुरक्षित परत येण्याची परवानगी मिळाली.
हे वाचलंत का :
