Rolls Royce Cullinan फेसलिफ्ट भारतात एन्ट्री, किंमत एकून बसेल धक्का - Rolls Royce Cullinan Facelift

Rolls Royce Cullinan facelift : Rolls Royce Cullinan फेसलिफ्ट भारतात लॉन्च झाली. कारच्या बाह्य आणि आतील भागाला नवा लुक देण्यात आला आहे. ही कार दोन प्रकारात सादर करण्यात आली आहे. या कारमध्ये कोणते फिचर आहे? या कारची किंमत काय आहे? त्यात नवीन काय वैशिष्ट्ये आहेत?, चला बातमीतून जाणून घेऊया....

हैदराबाद Rolls Royce Cullinan facelift : Rolls Royce कंपनीनं Cullinan फेसलिफ्ट भारतात लॉन्च केलीय. या कारची एक्स-शोरूम किंमत 10.50 कोटी रुपये आहे. तसंच ब्लॅक बॅज आवृत्तीची एक्स-शोरूम किंमत 12.25 कोटी रुपये आहे. ही एक अद्ययावत SUV आहे, जी Cullinan Series II म्हणून ओळखली जाते. या कारला 2024 मध्ये जागतिक स्तरावर लॉन्च करण्यात आलं होतं. नुकताचं या कारची भारतात एन्ट्री झालीय. यात नवीन इंटीरियर आणि तंत्रज्ञान देण्यात आलं आहे. ही कार कोणत्या फीचर्ससह लॉन्च झाली? चाल जाणून घेऊया...

रोल्स रॉयस कुलीनन फेसलिफ्ट : Cullinan Series II च्या बाहेरील भागात L-आकाराचे LED डेटाइम रनिंग लाइट्स असलेले स्लिम हेडलॅम्प दिलेले आहेत, जे बंपरपर्यंत वाढता येतात. याच्या ग्रिलला नवीन डिझाइन देण्यात आलं आहे. त्याच्या मागील बंपरला स्टेनलेस-स्टील स्किड प्लेटसह नवीन रूप देण्यात आलें आहे. त्याची अलॉय व्हील्सही नवीन देण्यात आली आहेत.

इंटीरियर : कारच्या इंटीरियरबद्दल बोलायचं झालं, तर डॅशबोर्डवर काचेचं पॅनेल देण्यात आलं आहे. डॅशमध्ये एक नवीन डिस्प्ले कॅबिनेट देखील आहे, ज्यामध्ये ॲनालॉग घड्याळ आणि त्याच्या खाली एक लहान स्पिरिट ऑफ एक्स्टसी आहे. हा स्पिरिट इन्फोटेनमेंट सिस्टमच्या नवीनतम प्रकारासह येतो, ज्यामध्ये नवीन ग्राफिक्स आणि डिस्प्ले पाहायला मिळतो.

इंजिन : Rolls Royce Cullinan फेसलिफ्टमध्ये पूर्वीप्रमाणेच 6.75-लीटर ट्विन-टर्बोचार्ज्ड V12 इंजिन आहे. हे इंजिन त्याच्या मानक आवृत्तीमध्ये 571hp पॉवर आणि 850Nm टॉर्क आणि ब्लॅक बॅज प्रकारात 600hp पॉवर आणि 900Nm टॉर्क जनरेट करतं. हे इंजिन 8-स्पीड ऑटोमॅटिक गिअरबॉक्सशी जोडलेलं आहे, जे चारही चाकांना पॉवर देतं.

काय आहे किंमत? : अद्ययावत केलेल्या Cullinan ची एक्स-शोरूम किंमत सध्याच्या प्री-फेसलिफ्ट Cullinan (रु. 6.95 कोटी) पेक्षा सुमारे 3.55 कोटी अधिक आहे. नवीन ब्लॅक बॅजची एक्स-शोरूम किंमत त्याच्या आधीच्या (8.20 कोटी रूपये) पेक्षा 4.05 कोटी अधिक आहे . भारतात Cullinan Series II ची डिलिव्हरी या वर्षाच्या चौथ्या तिमाहीपासून सुरू होण्याची शक्यता आहे.

हे वाचलंत का :