मुंबईत पावसाची विश्रांती मात्र रेड अलर्ट कायम; जाणून घ्या लोकलचे अपडेट काय? - Mumbai Rain

Mumbai Local Latest Updates : मुंबईत रविवारी मध्यरात्रीपासून सुरू असलेल्या मुसळधार पावसानं अखेर विश्रांती घेतलीय. यामुळं मुंबईकरांना दिलासा मिळालाय. तसंच मुंबई उपनगरातही पावसानं विश्रांती घेतल्यानं रस्ते वाहतूक आणि रेल्वे वाहतूक हळू-हळू पूर्ववत होत आहे.

मुंबई Mumbai Local Latest Updates : मुंबईसह उपनगरात सोमवारी (8 जुलै) पावसामुळं दाणादाण उडाली होती. यामुळं रेल्वे सेवा आणि रस्ते वाहतूक देखील विस्कळीत झाल्याचं पाहायला मिळालं. मात्र, आज (9 जुलै) पहाटेपासून पावसानं विश्रांती घेतली आहे. त्यामुळं सध्या पश्चिम रेल्वे, मध्य रेल्वे आणि हार्बर रेल्वे सेवा वेळेवर सुरू असल्याची माहिती समोर येत आहे. मात्र, असं असलं तरी हवामान विभागानं दिलेला रेड अलर्ट अद्यापही कायम आहे.

Monsoon update at 8.00 hrs on 09.07.2024.#CRUpdates #Monsoon2024 pic.twitter.com/f1ir8xW5gH

— Central Railway (@Central_Railway) July 9, 2024

रेड अलर्ट कायम : मुसळधार पावसामुळं मुंबईतील रस्ते, हवाई आणि लोकल वाहतूक पूर्णपणे कोलमडली होती. मात्र, आज पहाटेपासून पावसानं विश्रांती घेतल्यानं मुंबईकर कामासाठी घराबाहेर पडताना दिसत आहे. मात्र, हवामान खात्यानं मंगळवारी मुंबईत रेड अलर्ट म्हणजेच अति मुसळधार पावसाचा इशारा दिला होता. त्यामुळं आज मुंबई महानगरपालिकेची सर्व यंत्रणा सज्ज झाल्याचं बघायला मिळतय. आयुक्त प्रशासक भूषण गगराणी हे देखील सतत परिस्थितीचा आढावा घेतायत. तसंच आवश्यकता असेल तरच नागरिकांनी घराबाहेर पडावं, असं आवाहन प्रशासनाकडून करण्यात आलंय. शहर आणि उपनगरातील सर्व शाळांना सुट्ट्या देण्यात आल्या असून मुंबई विद्यापीठाच्या सर्व परीक्षा पुढं ढकलण्यात आल्यात.

#HarbourLine#CentralRailway#MumbaiRains
Local update
Harbour line track was operationalised at 4.30 after water receded.
Main Line both fast and slow locals are running 2-3 min behind schedule and harbour line locals are running almost on time now.

— Dr Swapnil Nila (@swapnil_IRTS) July 9, 2024

लोकलसेवा पूर्वपदावर : ठाणे ते कल्याणच्या दिशेनं आणि सीएसटीच्या दिशेनं जाणाऱ्या सर्व रेल्वेसेवा सुरळीतपणे सुरू झाल्या आहेत. तसंच ठाणे ते वाशी आणि पनवेलला जाणाऱ्या हार्बर रेल्वेवरील वाहतूकही वेळेनुसार धावत आहेत. तर सीएसएमटीहून पनवेलकडं जाणाऱ्या लोकल काही मिनिटं उशीरानं धावत आहेत. मध्य रेल्वेचे मुख्य जनसंपर्क अधिकारी डॉक्टर स्वप्निल नीला यांनी दिलेल्या माहितीनुसार, पाणी ओसरल्यानंतर हार्बर मार्गावरील ट्रॅक 4.30 वाजता कार्यान्वित करण्यात आला. मुख्य मार्गावरील जलद आणि धीम्या दोन्ही लोकल वेळापत्रकापेक्षा 2-3 मिनिटं उशिरानं धावत असून हार्बर मार्गावरील लोकल जवळपास वेळेवर धावत आहेत.

हेही वाचा -