ठाणे Man Abused 9 Year Girl : शेजारी राहणाऱ्या 35 वर्षाच्या नराधमानं 9 वर्षाच्या चिमुकलीला शौचालयात नेऊन अश्लील व्हिडिओ दाखवून लैंगिक अत्याचार केल्यानं खळबळ उडाली. या प्रकरणी पीडित चिमुकलीनं आरडाओरड केल्यानं या नराधमानं तिला शिवीगाळ करुन ठार करण्याची धमकी दिली. या प्रकरणी पीडितेच्या कुटुंबीयांनी अंबरनाथ पोलीस ठाण्यात तक्रार दाखल केल्यानंतर पोलिसांनी नराधमावर गुन्हा दाखल करण्यात आला आहे. विशेष म्हणजे बदलापूरच्या शाळेत दोन चिमुकल्यांवर अत्याचार केल्यानं देशभरात संताप व्यक्त करण्यात येत असताना आता तसाच प्रकार पुन्हा अंबरनाथमध्ये घडल्यानं मोठी खळबळ उडाली आहे.
शौचालयात अश्लील व्हिडिओ दाखवून लैंगिक अत्याचार : पोलीस सूत्रांनी दिलेल्या माहितीनुसार पीडित 9 वर्षाची चिमुकली ही अंबरनाथ पश्चिम परिसरातील एका वस्तीत कुटुंबासह राहते. तर नाराधम हाही पीडितेच्या शेजारी राहणारा असल्यानं ते एकमेकांना ओळखतात. याच ओळखीचा फायदा घेत, पीडित चिमुकलीच्या बालमनाचा फायदा घेऊन तिच्याशी जवळीक साधली. यावेळी त्यानं बहाण्यानं घरासमोरील सार्वजनिक शौचालयात चिमुकलीला बोलावलं. त्यानंतर शौचालयात पीडित चिमुकलीला अश्लील व्हिडिओ दाखवून तिच्यावर लैंगिक अत्याचार केला. खळबळजनक बाब म्हणजे हा लैंगिक अत्याचाराचा प्रकार 1 जुलै ते 20 ऑगस्टपर्यंत दुपारच्या सुमारास गुपचूपपणे सुरू होता.
पीडित चिमुकलीनं विरोध केल्यानं नराधमाची शिविगाळ : नराधमानं 20 ऑगस्टला दुपारी पीडित चिमुकलीला बहाण्यानं शौचालयात बोलवलं. त्यावेळी नराधमानं अश्लील व्हिडिओ दाखवून लैगिक अत्याचार करण्याचा प्रयत्न करताच पीडित चिमुकलीनं विरोध केला. त्यामुळे संतापलेल्या नराधमानं तिला शिवीगाळ करत मारण्याची धमकी दिली. या धमकीला घाबरुन पीडितेनं घडलेली घटना आईला सांगितली. त्यानंतर आईनं पीडित मुलीला घेऊन अंबरनाथ पोलीस ठाणं गाठून मुलीसोबत घडलेल्या प्रसंगाचं कथन करताच पोलिसांनी बीएनसी कायदानुसार कलम 74, 75 (2), 3, 35, 1, (2) 52, सह पोक्सो कलम 8 आणि 12 प्रमाणं 21 ऑगस्ट रोजी गुन्हा दाखल केला. पोलिसांनी काही तासातच नराधमाला बेड्या ठोकल्या आहेत. अटक नराधमाला न्यायालयात हजर केलं असता त्याला दोन दिवसाची पोलीस कोठडी सुनवाल्याची माहिती पोलीस उपनिरीक्षक तथा तपास अधिकारी मनीष वाघमारे यांनी दिली आहे.
हेही वाचा :
- सोशल माध्यमांवर झाली ओळख : नराधमानं गुजरातमध्ये नेऊन 13 वर्षीय बालिकेवर केला बलात्कार - Social Media Friend Raped Girl
- आगरकरांच्या जन्मगावात माणुसकीला काळिमा; अनाथ आश्रमाच्या नावावर सुरू होता वेश्या व्यवसाय, पीडितेच्या तक्रारीवरुन दोघांना अटक - Raid On Prostitution Business
- नवी मुंबईत दोन अल्पवयीन मुलींचा विनयभंग; 48 वर्षीय नराधमाला अटक - Minor Girls Molestation
