मुख्यमंत्र्यांच्या आश्वासनानंतर लक्ष्मण हाकेंचं उपोषण अखेर मागे, मंत्री छगन भुजबळांसह शिष्टमंडळानं घेतली भेट - Chhagan Bhujbal

Chhagan Bhujbal : मराठा समाजाला आरक्षण देताना ओबीसी आरक्षणाला धक्का लागेल, अशी भीती काही घटकांकडून बोलून दाखवली जात आहे. यावर मंत्री आणि ओबीसी नेते छगन भुजबळ यांनी स्पष्टीकरण दिलय. ओबीसी आरक्षणाला धक्का लागणार नाही, असं मुख्यमंत्री म्हणालेत. तो निरोप घेऊन ते लक्ष्मण हाके यांच्या आंदोलनस्थळी गेले. त्यानंतर हाके यांनी उपोषण मागे घेतलं.

छत्रपती संभाजीनगर (औरंगाबाद) Chhagan Bhujbal : मुख्यमंत्री, उपमुख्यमंत्री, अनेक मंत्री, जालना-पुणे येथील कार्यकर्ते आणि संस्थांचे प्रमुख यांची काल (21 जून) मुंबईत बैठक झाली. त्यात काही मागण्या मंजूर झाल्या आहेत आणि काही मागण्या अधिवेशन काळात पूर्णती तेव्हा निर्णय होईल. ओबीसी आरक्षणाला धक्का लागणार नाही असं मुख्यमंत्री म्हणाले. तो निरोप घेऊन मंत्री छगन भुजबळ लक्ष्मण हाके यांच्या आंदोलनस्थळी गेले. त्यानंतर हाके यांनी उपोषण मागे घेतलं. राज्य सरकारच्या शिष्टमंडळानं वडीगोद्रीला भेट दिली. यावेळी शिष्टमंडळात छगन भुजबळ, गिरीश महाजन, धनंजय मुंडे, अतुल सावे यांचा समावेश होता.

कार्यकर्त्यांची प्रकृती ढासळली : वडीगोद्री येथे लक्ष्मण हाके यांच्यासह राज्यभरात बसलेल्या इतर ओबीसी आंदोलकांची प्रकृती ढासळत होती. त्यामुळं उपोषण सोडावं म्हणून त्यांना विनंती करण्यात आली, असं छगन भुजबळ म्हणाले. तर आंदोलकांनी लिखित द्या अशी मागणी केली. त्यानंतर मुख्यमंत्री, उपमुख्यमंत्री यांनी दिलेला संदेश आणि बैठकीत झालेली चर्चा याबाबत आंदोलन स्थळी जाऊन चर्चा करण्यात आली, असं देखील छगन भुजबळ यांनी सांगितलं. त्यानंतर हाके यांनी उपोषण सोडलं

माझं राजकीय करिअर जनता ठरवेल : मराठा आंदोलक मनोज जरांगे पाटील यांनी अनेकवेळा ओबीसी नेते छगन भुजबळ यांच्यावर आरक्षणाच्या मुद्द्यावरून टीका केलीय. शुक्रवारी त्यांनी घेतलेल्या पत्रकार परिषदेमध्ये छगन भुजबळ यांचं राजकीय करियर उध्वस्त होईल असं ते म्हणाले. त्यावर टीका करताना माझं राजकीय करिअर उद्ध्वस्त करायचं असेल तर जनता करेल कुणी एक व्यक्ती नाही. कावळ्याच्या शापाने गाय मरत नाही. त्यामुळे तुम्ही त्याची चिंता करू नका, असा पलटवार छगन भुजबळ यांनी केला. तसंच चुकीचं कुणबी प्रमाणपत्र घेणारे-देणारे सगळ्यांवर कारवाई होईल असा इशारा भुजबळ यांनी दिला.

हेही वाचा: