नागपूर Nagpur Factory Blast : जिल्ह्यातील एका वीटा कारखान्यात (Bricks Factory) मंगळवारी (6 ऑगस्ट) पहाटे स्फोट होऊन एकाचा मृत्यू झाला, तर नऊ जण जखमी झाल्याची माहिती पोलिसांनी दिली. मौदा तालुक्यातील युनिट येथे ही घटना घडली. जखमींना उपचारासाठी रुग्णालयात दाखल करण्यात आलं. 'श्री जी ब्लॉक' या खासगी कारखान्यात हा स्फोट झाला. येथे सिमेंटच्या मोठ्या वीट बनवण्याचं काम केलं जातं.
जखमींना रुग्णालयात केलं दाखल : एका वरिष्ठ पोलीस अधिकाऱ्यानं सांगितलं की, "मंगळवारी पहाटे तीन वाजताच्या सुमारास मौदा तालुक्यातील झुल्लर गावात असलेल्या वीट बनवण्याच्या कारखान्यात अचानक स्फोट झाला. त्यामुळं कारखान्याचे टिन शेड खाली कोसळलं. या स्फोटात एका कामगाराचा जागीच मृत्यू झाला. नऊ कामगार जखमी आहेत. नंदकिशोर करंडे असं या मृतकाचं नाव आहे. गंभीर जखमींना उपचारासाठी नागपुरच्या रुग्णालयात हलवण्यात आलं."
कारखान्यात मोठा स्फोट : नागपुरात या आधीही अशीच एक घटना घडली होती. नागपूर-अमरावती मार्गावर असलेल्या धामणा इथल्या स्फोटक बनवणाऱया कंपनीत मोठा स्फोट झाला होता. या स्फोटात पाच कामगारांचा मृत्यू तर 5 कामगार जखमी झाले होते.
हेही वाचा -
नागपुरात स्फोटक पदार्थांच्या कंपनीत मोठा स्फोट; पाच कामगारांचा होरपळून मृत्यू - NAGPUR Blast
