बीड Mahadev Betting App Exposed : महादेव बेटिंग ॲप प्रकरणात ताब्यात घेण्यात आलेल्या आरोपीकडून विविध बँकांचे 150 एटीएम कार्ड, 67 बँक पासबुक, 100 चेकबुक आणि 25 सिमकार्ड जप्त करण्यात आले आहेत. या प्रकरणात आणखी चार ते पाच जणांचा सहभाग असून त्यांचा शोध पोलीस घेत आहेत; मात्र हे रॅकेट मोठे असल्याची प्राथमिक शक्यता पोलिसांनी व्यक्त केली आहे.
आरोपीला दोन दिवसांची पोलीस कोठडी : महादेव बेटिंग ॲप प्रकरण देशभर गाजत आहे. या ॲपद्वारे बीड शहरातून सट्टा चालवला जात असल्याची माहिती सायबर पोलिसांना मिळाली होती. शहरातील जालना रोडवरील एका अपार्टमेंटमधील दुसऱ्या मजल्यावर असलेल्या फ्लॅटमध्ये छापा टाकला. यावेळी रूपेश गंगाधर साखरे (ह.मु टेंभुर्णी, घाटशीळ पारगाव, ता. शिरूर) ही व्यक्ती महादेव ॲपवर ऑनलाइन सट्टा चालवत असल्याचं समोर आलं. त्याला अटक केली गेली. न्यायालयाने त्याला दोन दिवसांची कोठडी सुनावली.
आरोपी या प्रकारे घ्याचा पैसा : आरोपींकडून संबंधित बँक खात्याचे चेकबुक, एटीएम कार्ड हे आरोपींनी स्वतःकडे जमा करून घेत ऑनलाइन बॅंकिंग सोबत दुसरेच मोबाईल नंबर लिंक करून त्याचा गैरवापर केला. दरम्यान, या प्रकरणाची व्याप्ती आता बीडपर्यंत आल्याचं पहायला मिळत आहे. एका खात्यातून दुसरीकडे पैसे ट्रान्सफर करून रूपेश साखरे हा ऑनलाइन सट्टा खेळणाऱ्या ग्राहकांकडून फोन पे, गुगल पे, नेट बँकिंगद्वारे पैसे घेत होता आणि हे पैसे तो विविध बँक खात्यात ट्रान्सफर करत होता. त्यासाठी त्याच्याकडे 150 एटीएम, 67 पासबुक, 100 चेकबुक, 25 सिमकार्ड आढळून आले.
हेही वाचा:
