ऑनलाईन जुगारात तरुण कर्जबाजारी; कर्ज फेडण्यासाठी केला वृद्ध महिलेचा खून - Thane Murder Case

Thane Murder Case : डोंबिवली पश्चिमेतील शास्त्रीनगर रुग्णालय परिसरातील एका इमारतीमधील वृद्ध महिलेची हत्या (Woman Murder) करणाऱ्या (Woman Murder) तरुणाला विष्णुनगर पोलिसांनी (Vishnu Nagar Police) अटक केलीय. कर्ज फेडण्याकरिता त्यानं ही हत्या करून महिलेचे दागिने चोरल्याची बाब पोलीस तपासात समोर आलीय.

ठाणे Thane Murder Case : ऑनलाईन क्रिकेट जुगारामुळं (Online Gambling) आपल्यावर झालेले कर्ज फेडण्यासाठी डोंबिवली पश्चिमेतील शास्त्रीनगर रुग्णालय परिसरात राहणाऱ्या एका २८ वर्षाच्या तरूणाने तो राहत असलेल्या इमारतीमधीलच एका ६२ वर्षीय वृध्द महिलेचा खून (Woman Murder) केल्याची धक्कादायक घटना घडलीय. खळबळजनक बाब म्हणजे तिच्या खून करून गळ्यातील सोन्याचा ऐवज लुटून तरुणानं पळ काढला होता. मात्र विष्णुनगर पोलिसांनी (Vishnu Nagar Police) तातडीनं याप्रकरणाचा तपास करून तरूणाला सहा तासातच अटक केली. यश सतीश विचारे (२८, रा. वसंत निवास, शास्त्रीनगर) असं अटक आरोपी तरूणाचं नाव आहे. तर आशा अरविंद रायकर (६२, रा. वसंत निवास, पहिला माळा, गोल्डन नेक्सट सोसायटीच्या मागे, शास्त्रीनगर, डोंबिवली पश्चिम) असं खून झालेल्या महिलेचं नाव आहे.

अशी घडली घटना : पोलीस उपायुक्त सचीन गुंजाळ यांनी सांंगितलं की, मृतक आशा रायकर घरात एकट्याच राहत होत्या. त्यांच्या गळ्यात सोन्याची माळ, कर्णफुले होती. खून केल्यानंतर त्यांच्या अंगावरील सोन्याचा ऐवज गायब होता. चोरीच्या उद्देशानं हा खून झाल्याचा अंदाज व्यक्त करत त्यादिशेनं वरिष्ठ पोलीस निरीक्षक संजय पवार यांच्या नेतृत्वाखाली पोलीस निरीक्षक गहिनीनाथ गमे, साहाय्यक निरीक्षक सचीन लोखंडे, पोलीस उपनिरीक्षक दीपविजय भवर यांच्या पथकानं वसंत निवासमध्ये राहणाऱ्या आरोपी यश सतीश विचारे या तरूणाला ताब्यात घेतलं. त्याची कसून चौकशी सुरू केली असता त्याने खुनाची कबुली दिली.

आरोपीला ऑनलाईन जुगार खेळण्याचं व्यसन : आरोपी यश विचारे याने आपण कर्जबाजारी आहोत. ते कर्ज फेडण्यासाठी आपण आशा रायकर यांच्या अंंगावरील दागिने चोरल्याची माहिती दिली. तसेच आरोपी यशला मोबाईलमध्ये बेटिंग लोटस ३६५ या जुळणीवर क्रिकेटचा ऑनलाईन जुगार खेळण्याचं व्यसन आहे. या जुगाराच्या माध्यमातून यशवर ६० हजार रूपयांचे कर्ज झाले होते. कर्ज देणारे यशच्या मागे तगादा लावून ते फेडण्यासाठी आग्रह करत होते. जवळ पैसे नसल्यानं यशनं शक्कल लढून आपल्याच इमारतीमधील आशा रायकर यांचा खून करून त्यांच्या जवळील सोन्याचे दागिने चोरून त्या माध्यमातून पैसे उभे करण्याचं ठरविलं होतं.

असा केला खून : गुरुवारी संध्याकाळी साडे पाच वाजण्याच्या दरम्यान मृत आशा रायकर घरात एकट्याच असताना यश विचारे त्यांच्या घरात शिरला. त्याने आतून दरवाजाची कडी लावून आशा रायकर यांना काही कळण्याच्या आत त्यांचा खून केला. त्यांच्या गळ्यातील, कानातील सोन्याचा ऐवज काढून घेऊन, दरवाजाला बाहेरून कडी लावून पुन्हा तो पसार झाला. आशा यांची विरार येथे राहणारी नातेवाईक दीपा दिगंबर मोरे (४५) यांनी या खून प्रकरणी विष्णुनगर पोलीस ठाण्यात तक्रार केली होती. आशा रायकर राहत असलेल्या वसंत निवास परिसरात सीसीटीव्ही कॅमेरे नसल्यानं या खूनाचा उलगडा करणं पोलिसांंसमोर आव्हान होतं.

डोंबिवलीत उडाली खळबळ : विष्णुनगर पोलीस ठाण्याचे वरिष्ठ पोलीस निरीक्षक संजय पवार यांनी या वृध्द महिलेच्या खून प्रकरणी तपास पथके तयार करून खुनाचा तपास तातडीनं सुरू केला होता. रात्री उशिर झाला तरी आशा यांच्या घराला बाहेरून कडी आहे. त्या कुठे गेल्या आहेत म्हणून शेजाऱ्यांनी चौकशी सुरू केली. त्यांचा दरवाजा उघडण्यात आला. त्यावेळी त्यांचा मृतदेह घरात आढळून आला. या प्रकरणाने डोंबिवलीत खळबळ उडाली. पोलीस उपनिरीक्षक दीपविजय भवर या प्रकरणाचा तपास करत आहेत.

हेही वाचा -