कानपूर Virat Kohli Record : भारतीय क्रिकेट संघाचा माजी कर्णधार विराट कोहली सामन्यागणिक नवनवीन विक्रम करत आहे. आता कानपूरच्या ग्रीन पार्कमध्ये बांगलादेशविरुद्ध सुरु असलेल्या सामन्यात कोहलीनं आंतरराष्ट्रीय क्रिकेटमध्ये 27 हजार धावाही पूर्ण केल्या आहेत. हा टप्पा गाठणारा भारताचा सचिन तेंडुलकर पहिला असला तरी आता विराट कोहली त्याच्याही पुढं गेला आहे. कारण हे लक्ष्य त्यानं सर्वात जलद गाठलं आहे. हा पराक्रम सचिन तेंडुलकरच्या तुलनेत खूपच कमी डावात केला आहे.
Another day at office, another milestone breached!@imVkohli now has 27000 runs in international cricket 👏👏
— BCCI (@BCCI) September 30, 2024
He is the fourth player and second Indian to achieve this feat!#INDvBAN @IDFCFIRSTBank pic.twitter.com/ijXWfi5v7O
सचिन तेंडुलकरच्या खूप पुढे कोहली : आंतरराष्ट्रीय क्रिकेटमध्ये 27 हजार धावा पूर्ण करणारा सचिन तेंडुलकर पहिला खेळाडू होता. पण इथपर्यंत पोहोचण्यासाठी त्याला 623 डाव लागले. आता कोहलीबाबत बोलायचं झालं तर त्यानं केवळ 594 डावांत 27 हजार धावा पूर्ण केल्या आहेत. म्हणजे सचिन तेंडुलकरच्या आधी 29 डाव. आतापर्यंत जगात फक्त तीनच फलंदाज आहेत जे इतक्या धावा करु शकले, आता कोहली चौथा फलंदाज म्हणून या क्लबमध्ये दाखल झाला आहे.
आंतरराष्ट्रीय क्रिकेटमध्ये सर्वाधिक धावा करणारे खेळाडू :
- सचिन तेंडुलकर - 34357
- कुमार संगकारा - 28016
- रिकी पाँटिंग - 27483
- विराट कोहली - 27000*
Fastest to 27,000 international runs:
— Mufaddal Vohra (@mufaddal_vohra) September 30, 2024
Virat Kohli - 594* innings.
Sachin Tendulkar - 623 innings.
TWO GOATS OF THE GAME...!!! 🐐 pic.twitter.com/lMfwZSvLcR
विराट कोहलीची कारकीर्द : विराट कोहलीनं 114 कसोटी सामन्यांच्या 193 डावांमध्ये 48.74 च्या सरासरीनं 8871 धावा केल्या आहेत. यात विराटनं 7 द्विशतकं, 29 शतकं आणि 30 अर्धशतकं केली आहेत. विराट कोहलीचा कसोटीतील सर्वोत्तम धावसंख्या 254 धावा आहे. त्यानं 295 एकदिवसीय सामन्यांच्या 283 डावांमध्ये 58.18 च्या सरासरीनं 13906 धावा केल्या आहेत. या काळात विराटनं एकदिवसीय क्रिकेटमध्ये 50 शतकं आणि 72 अर्धशतकं केली आहेत. याशिवाय T20 मध्ये विराटनं 125 सामन्यांच्या 117 डावांमध्ये 48.7 च्या सरासरीनं 4188 धावा केल्या आहेत. विराटनं T20 मध्ये 38 अर्धशतक आणि 1 शतक झळकावलं आहे.
कोहलीचं अर्धशतक हुकलं : विराट कोहलीनं आपल्या 27 हजार धावा नक्कीच पूर्ण केल्या आहेत. तोही जबरदस्त फॉर्ममध्ये दिसत होता, पण त्याला आपले अर्धशतक पूर्ण करता आलं नाही. बांगलादेशविरुद्ध आज कानपूरमध्ये कोहलीनं 35 चेंडूत 47 धावांची खेळी केली. यादरम्यान त्यानं चार चौकार आणि एक गगनभेदी षटकार लगावला.
हेही वाचा :
