डेहराडून (उत्तराखंड) Sarabjot Singh : पॅरिस ऑलिम्पिकमध्ये भारतानं आतापर्यंत 3 पदकं जिंकली आहेत. यावेळी पॅरिस ऑलिम्पिकमध्ये भारतीय नेमबाजांनी शानदार कामगिरी केली आहे. मनू भाकरनं पॅरिस ऑलिम्पिकमध्ये नेमबाजीत कांस्यपदक जिंकून भारताचं पदकांचं खातं उघडलं. यानंतर 10 मीटर एअर पिस्तूल मिश्र संघात मनू भाकर आणि सरबजोत सिंग यांनीही चमकदार कामगिरी केली. या दोन्ही नेमबाजांनी 10 मीटर एअर पिस्तूल मिश्र प्रकारात कांस्यपदक जिंकून भारताची पदकतालिका पुढं नेली. पॅरिस ऑलिम्पिकमध्ये दमदार कामगिरी करुन भारतात परतलेला यशस्वी नेमबाज सरबजोत सिंगचं भव्य स्वागत करण्यात आलं. त्यानंतर सरबज्योत सिंग आज डेहराडूनला पोहोचला, तिथं त्यानं ईटीव्ही भारतच्या प्रतिनिधीसोबत खास बातचीत केली. या संवादात सरबजोत सिंगनं त्याच्या यशापर्यंतच्या शूटिंगच्या प्रवासाबद्दल सांगितलं. तसंच भविष्यासाठी करावयाचं नियोजनही त्यांनी सांगितलं.
पदकासाठी 8 वर्षे घाम गाळला : ईटीव्ही भारतशी खास संवाद साधताना ऑलिम्पिक पदक विजेता सरबजोत सिंगनं पॅरिसमधील कामगिरीवर खूश नसल्याचं सांगितलं. जोपर्यंत ध्येय गाठत नाही तोपर्यंत समाधान मिळणार नाही, असं त्यांनी सांगितलं. सरबजोत सिंगनं तब्बल 8 वर्षे या पदकाची तयारी केली. आठ वर्षे तो सतत ऑलिम्पिकचा विचार करत होता. जगामध्ये भारताचं प्रतिनिधित्व करणं हे नेहमीच स्वप्न राहिलं आहे. जेव्हा तो श्रेणीत पोहोचला तेव्हा पदक जिंकण्याचा विचारही त्याच्या मनात आला नव्हता. तेव्हा फक्त आपल्या खेळावर लक्ष केंद्रित करत होता. या गेममध्ये त्याला काही समस्या आल्या, परंतु सततच्या मेहनतीमुळं आणि प्रयत्नांमुळे हळूहळू सर्वकाही सामान्य झाल्याचं त्यानं सांगितलं.
OLYMPIC BRONZE MEDALIST!! 🥉
— Sarabjot Singh (@Sarabjotsingh30) July 31, 2024
Very happy to have won a Bronze Medal along with @realmanubhaker in the 10M Air Pistol Mixed Team Event, for our country. It has been an amazing experience at @paris2024 Olympic Games, my first Olympics. This is just the start. pic.twitter.com/9TEm8j23LE
शालेय जीवनात सरबज्योत सिंगला फुटबॉलची आवड : सरबजोत सिंगला शालेय जीवनात फुटबॉल खेळायचा. त्यानंतर त्याला नेमबाजीसाठी विचारण्यात आलं. त्यानंतरच त्यानं नेमबाजी सुरु केली. नेमबाजीचा सराव करण्यासोबतच त्यानं स्पर्धा खेळायला सुरुवात केली. भारतासाठी खेळण्याचं प्रत्येक खेळाडूचं स्वप्न असते. भारताकडून खेळण्यासाठी कठोर प्रशिक्षणही घेतल्याचं यावेळी सरबजोत सिंगनं सांगीतलं. त्याच्या मनात सुरुवातीपासूनच देशासाठी काहीतरी करण्याची इच्छा होती. जी त्याला आपल्या खेळातून पूर्ण करायची होती. पदक जिंकल्यानंतर अजून खूप काही करायचं असल्याचं सरबजोत सिंगनं सांगितलं. तसंच सध्या माझं संपूर्ण लक्ष 2028 मध्ये होणाऱ्या ऑलिम्पिकमधील सुवर्णपदकावर असल्याचं त्यानं सांगितलं.
OLYMPIC BRONZE MEDALIST!! 🥉
— Sarabjot Singh (@Sarabjotsingh30) July 31, 2024
Very happy to have won a Bronze Medal along with @realmanubhaker in the 10M Air Pistol Mixed Team Event, for our country. It has been an amazing experience at @paris2024 Olympic Games, my first Olympics. This is just the start. pic.twitter.com/9TEm8j23LE
सरबजोत सिंगनं खेळाडूंना दिला यशाचा मंत्र : आपल्या खेळाच्या यशाबाबत बोलताना सरबजोत म्हणाला, माझ्या लक्षात आलं आहे की, अनेक खेळाडू रोज एकच दिनचर्या पाळतात आणि काही नवीन घडत नाही, असा विचार करणं सोडून देतात. मी असा कधीच विचार केला नाही, मी दररोज मजा केली, दररोज शिकण्याचा प्रयत्न केला, त्याचं फळ म्हणजे पॅरिस ऑलिम्पिकचं कांस्यपदक. खेळाडूनं कधीही मागे वळून पाहू नये. खेळाडूने कधी थांबू नये, कोणत्याही खेळाडूला आपण काही करू शकत नाही असे वाटत असेल तर त्याने पुन्हा पुन्हा सराव करावा. मेहनत हा यशाचा मूळ मंत्र असल्याचं त्यानं सांगितलं.
You two have brought our medal no. 2!
— Sachin Tendulkar (@sachin_rt) July 30, 2024
Congratulations, @realmanubhaker & @Sarabjotsingh30, for winning the 🥉 in the 10m air pistol mixed team event. The entire nation stands tall with pride! 🇮🇳
Special mention to @realmanubhaker for creating history by becoming the first… pic.twitter.com/OynkY9s4AF
हेही वाचा :
