0,0,0,0,0,0...सात फलंदाज शुन्यावर आउट; आंतरराष्ट्रीय सामन्यात संपूर्ण संघाचाही 7 धावांत 'सुपडासाफ'

T20I क्रिकेटमध्ये एक लाजिरवाणा विश्वविक्रम मोडला गेला आहे. एका T20I सामन्यात एक संघ इतक्या कमी धावसंख्येवर ऑलआऊट झाला की नवा विश्वविक्रम रचला गेला.

लागोस Lowest Team Total in Men's T20Is : एखादा संघ फक्त 7 धावांवर ऑलआऊट... तेही एका आंतरराष्ट्रीय सामन्यात, हे ऐकून थोडं आश्चर्य वाटेल. पण आयव्हरी कोस्टनं नायजेरियाविरुद्ध हा लज्जास्पद विक्रम केला. तसंच या सामन्यात धावांच्या बाबतीतही विक्रमी विजयाची नोंद झाली आहे.

A 264-run win for the hosts on matchday two of the #T20AfricaMensWCQualifierC.

Nigeria 271/4 in 20 overs, Ivory Coast 7/10 in 7.3 overs

Full match details: https://t.co/s8EkObxse8 https://t.co/nMJpD1fhDN pic.twitter.com/tsghd4f9zm

— ICC Africa (@ICC_Africa_) November 24, 2024

सात धावांत संघ ऑलआउट : आंतरराष्ट्रीय T20 क्रिकेटच्या इतिहासातील ही सर्वात कमी धावसंख्या आहे. तसंच T20 मधीही सर्वात कमी धावसंख्याही आहे. नायजेरियानं हा सामना 264 धावांनी जिंकला. लागोस येथील तफावा बलेवा स्क्वेअर क्रिकेट ओव्हल मैदानावर हा सामना झाला. वास्तविक लागोस इथं आयसीसी पुरुष T20 विश्वचषक उप-प्रादेशिक आफ्रिका पात्रता गट सी सामन्यात आयव्हरी कोस्टचा नायजेरियाविरुद्ध अवघ्या 7 धावांत खुर्दा उडाला आणि त्यांना 264 धावांनी पराभव स्विकारावा लागला. इथं हे लक्षात घेण्यासारखे आहे की आंतरराष्ट्रीय क्रिकेटमधील टॉप 5 सर्वात कमी धावांपैकी 4 धावा 2024 मध्ये बनल्या आहेत.

एक अंकी सांघिक धावसंख्येची पहिलीच वेळ : पुरुषांच्या T20 आंतरराष्ट्रीय सामन्यातील एक अंकी सांघिक स्कोअरची ही पहिलीच वेळ आहे. या फॉरमॅटमध्ये पूर्वीची किमान धावसंख्या 10 धावा होती. या धावसंख्येवर संघाची दोनदा घसरण झाली आहे. पहिले म्हणजे या वर्षी सप्टेंबरमध्ये मंगोलियाचा संघ सिंगापूरविरुद्ध 10 धावांवर मर्यादित होता, तर गेल्या वर्षी आयल ऑफ मॅनचा संघ स्पेनविरुद्ध याच धावसंख्येवर ऑलआऊट झाला होता.

Nigeria has posted a huge total of 271/4 in 20 overs against Ivory Coast.

Ivory Coast needs 272 runs from 20 overs to win.

Watch the second innings live on https://t.co/x310mcloFO.#T20AfricaMensWCQualifierC https://t.co/HldfZcD6wU pic.twitter.com/eVStYBeOyA

— ICC Africa (@ICC_Africa_) November 24, 2024

धावांच्या बाबतीत तिसरा मोठा विजय : पुरुषांच्या T20 इंटरनॅशनलमधील सर्वात मोठ्या विजयाबद्दल बोलायचं झाल्यास, नायजेरियाचा 264 धावांनी विजय हा गेल्या महिन्यात तिसरा सर्वात मोठा विजय आहे, झिम्बाब्वेनं गांबियला 290 धावांनी पराभूत केलं होतं, तर नेपाळनं मंगोलियाचा 273 धावांनी पराभव केला होता.

आंतरराष्ट्रीय T20 मध्ये सर्वात कमी सांघिक धावसंख्या :

• आयव्हरी कोस्ट : 7 धावा, विरुद्ध नायजेरिया (नोव्हेंबर, 2024)
• मंगोलिया : 10 धावा, विरुद्ध सिंगापूर (सप्टेंबर, 2024)
• आइल ऑ मॅन : 10 धावा, विरुद्ध स्पेन (फेब्रुवारी, 2023)
• मंगोलिया : 12 धावा, विरुद्ध जपान (मे, 2024)
• मंगोलिया : 17 धावा, विरुद्ध हाँगकाँग (ऑगस्ट, 2024)
• माली : 18 धावा, विरुद्ध टांझानिया (सप्टेंबर, 2024)

Dominant Performance by Nigeria!

🇳🇬 Nigeria: 271/4 (20.0 overs)
🇨🇮 Côte d'Ivoire: 7 all out (7.3 overs)

Nigeria delivers a record-breaking performance, securing an emphatic victory with bat and ball.#T20AfricaMensWCQualifierC#T20MensAfricaWCQualifierC… pic.twitter.com/VqLK0quSji

— Nigeria Cricket Federation (@cricket_nigeria) November 24, 2024

T20 आंतरराष्ट्रीय मधील सर्वात मोठा विजय (धावांनी) :

• झिम्बाब्वे : 290 धावांनी, विरुद्ध गांबिया (ऑक्टोबर, 2024)
• नेपाळ : 273 धावांनी, विरुद्ध मंगोलिया (सप्टेंबर, 2023)
• नायजेरिया : 264 धावांनी, विरुद्ध आयव्हरी कोस्ट (नोव्हेंबर, 2024)

हेही वाचा :