चेस्टर-ली-स्ट्रीट England vs Australia 3rd ODI Live Streaming : इंग्लंड राष्ट्रीय क्रिकेट संघ आणि ऑस्ट्रेलिया राष्ट्रीय क्रिकेट संघ यांच्यातील पाच सामन्यांच्या एकदिवसीय मालिकेतील तिसरा सामना आज 24 सप्टेंबर रोजी खेळवला जाईल. दोन्ही संघांमधील हा सामना चेस्टर-ली-स्ट्रीट येथील रिव्हरसाईड मैदानावर सायंकाळी 5.30 वाजल्यापासून खेळवला जाईल. दुसऱ्या एकदिवसीय सामन्यात ऑस्ट्रेलियानं इंग्लंडचा 68 धावांनी पराभव केला. यासह ऑस्ट्रेलियानं या मालिकेत 2-0 अशी आघाडी घेतली आहे. याआधी ऑस्ट्रेलियानं पहिल्या सामन्यातही इंग्लंडचा सात विकेटनं पराभव केला होता.
इंग्लंडसाठी करो या मरो सामना : अनुभवी स्टार अष्टपैलू मिचेल मार्शच्या नेतृत्वाखाली ऑस्ट्रेलिया क्रिकेट संघानं या मालिकेत शानदार सुरुवात केली आहे. आता तिसरा सामना जिंकून मालिका जिंकण्याचं ऑस्ट्रेलियाचं लक्ष्य असेल. त्याचबरोबर या करो किंवा मरोच्या सामन्यात इंग्लंड संघाला मालिकेतील पहिला विजय मिळवून पुनरागमन करत मालिकेतील आव्हान कायम राखायचं आहे.
दुसऱ्या वनडेत काय झालं : दुसऱ्या वनडे सामन्यात इंग्लंडचा कर्णधार हॅरी ब्रूकनं नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर प्रथम फलंदाजीला आलेला संपूर्ण ऑस्ट्रेलियन संघ 44.4 षटकांत केवळ 270 धावांवरच मर्यादित राहिला. ऑस्ट्रेलियाकडून ॲलेक्स कॅरीनं 74 धावांची शानदार खेळी केली. ॲलेक्स कॅरीशिवाय कर्णधार मिचेल मार्शनं 60 धावा केल्या. तर इंग्लंडकडून ब्रेडन कार्सनं सर्वाधिक तीन बळी घेतले. हा सामना जिंकण्यासाठी इंग्लंड संघाला 50 षटकांत 271 धावा करायच्या होत्या. लक्ष्याचा पाठलाग करताना इंग्लंडचा संपूर्ण संघ 40.2 षटकांत अवघ्या 202 धावा करुन बाद झाला. इंग्लंडकडून जेमी स्मिथनं सर्वाधिक 49 धावांची खेळी खेळली. ऑस्ट्रेलियाकडून मिचेल स्टार्कनं सर्वाधिक तीन बळी घेतले.
वनडे मालिकेचं वेळापत्रक :
- पहिला वनडे : 19 सप्टेंबर 2024, ट्रेंट ब्रिज, (ऑस्ट्रेलिया 7 विकेटनं विजयी)
- दुसरा वनडे : 21 सप्टेंबर 2024, हेडिंग्ले लीड्स, (ऑस्ट्रेलिया 68 धावांनी विजयी)
- तिसरा वनडे : आज, सीट युनिक रिव्हरसाइड, चेस्टर-ली-स्ट्रीट, सायंकाळी 5 वाजता
- चौथा वनडे : 27 सप्टेंबर 2024, लॉर्ड्स, सायंकाळी 5 वाजता
- पाचवा वनडे : 29 सप्टेंबर 2024, सीट युनिक स्टेडियम दुपारी 3:30 वाजता
- ऑस्ट्रेलिया विरुद्ध इंग्लंड यांच्यातील तिसरा वनडे सामना कधी खेळला जाईल?
ऑस्ट्रेलिया विरुद्ध इंग्लंड यांच्यातील तिसरा वनडे सामना मंगळवार 24 सप्टेंबर रोजी होणार आहे.
- ऑस्ट्रेलिया विरुद्ध इंग्लंड यांच्यातील तिसरा वनडे सामना कुठं खेळवला जाईल?
ऑस्ट्रेलिया आणि इंग्लंड यांच्यातील तिसरा वनडे सामना चेस्टर-ली-स्ट्रीटच्या सीट युनिक रिव्हरसाइड मैदानावर होणार आहे.
- ऑस्ट्रेलिया विरुद्ध इंग्लंड यांच्यातील तिसरा वनडे सामना किती वाजता सुरु होईल?
ऑस्ट्रेलिया विरुद्ध इंग्लंड यांच्यातील तिसरा वनडे सामना भारतीय वेळेनुसार सायंकाळी 5 वाजता सुरु होईल.
- ऑस्ट्रेलिया विरुद्ध इंग्लंड यांच्यातील तिसरा वनडे सामना भारतात टीव्हीवर कुठं पाहायचा?
ऑस्ट्रेलिया विरुद्ध इंग्लंड यांच्यातील तिसरा वनडे सामना टीव्हीवर सोनी स्पोर्ट्स नेटवर्कवर पाहू शकता.
ऑस्ट्रेलिया विरुद्ध इंग्लंड यांच्यातील तिसऱ्या वनडे सामन्याचं लाईव्ह स्ट्रीमिंग कुठं पहायचं?
ऑस्ट्रेलिया विरुद्ध इंग्लंड यांच्यातील तिसऱ्या वनडे सामन्याचं लाईव्ह स्ट्रीमिंग सोनी लिव्ह ॲप आणि फॅनकोड ॲपवर पाहू शकता.
सामन्यासाठी दोन्ही संघ :
- इंग्लंड एकदिवसीय संघ : हॅरी ब्रूक (कर्णधार), जोफ्रा आर्चर, जेकब बेथेल, ब्रायडन कार्स, जॉर्डन कॉक्स (यष्टीरक्षक), बेन डकेट, विल जॅक्स, लियाम लिव्हिंगस्टोन, मॅथ्यू पॉट्स, आदिल रशीद, फिल सॉल्ट (यष्टीरक्षक), जेमी स्मिथ (यष्टीरक्षक), ऑली स्टोन, रीस टोपली, जॉन टर्नर
- ऑस्ट्रेलिया एकदिवसीय संघ : मिचेल मार्श (कर्णधार), शॉन ॲबॉट, ॲलेक्स कॅरी (यष्टीरक्षक), कूपर कोनोली, बेन द्वारशिस, कॅमेरॉन ग्रीन, जेक फ्रेझर-मॅकगर्क, ॲरॉन हार्डी, जोश हेझलवूड, जोश इंग्लिस (यष्टीरक्षक), ट्रॅव्हिस हेड, मार्नस लॅबुशेन, ग्लेन मॅक्सवेल, मॅथ्यू शॉर्ट, स्टीव्हन स्मिथ, मिचेल स्टार्क, ॲडम झाम्पा
हेही वाचा :
