सिंगापूर World Chess Championship: भारताचा युवा स्टार डी गुकेश बुद्धिबळ विश्वाचा नवा चॅम्पियन बनला आहे. सिंगापूर इथं झालेल्या जागतिक अजिंक्यपद स्पर्धेत गुकेशनं चीनच्या डिंग लिरेनचा पराभव करून विजेतेपद पटकावलं. यासह गुकेश बुद्धिबळाच्या इतिहासातील सर्वात तरुण विश्वविजेता ठरला आहे. गुरुवारी, 12 डिसेंबर रोजी चॅम्पियनशिपच्या 14व्या आणि शेवटच्या फेरीत दोघांमध्ये चुरशीची स्पर्धा होती, जिथं गतविजेता लिरेनने एक छोटीशी चूक केली, जी त्याला महागात पडली. यासह वयाच्या अवघ्या 18 व्या वर्षी भारताच्या गुकेशनं विश्वविजेता बनून विक्रम केला. विशेष म्हणजे तो 18वा जागतिक बुद्धिबळ चॅम्पियन देखील आहे.
आनंदनंतर दुसरा भारतीय : डोम्माराजू गुकेशनं जागतिक बुद्धिबळ स्पर्धा जिंकून इतिहासात अनेक पानं जोडली आहेत. तो बुद्धिबळातील सर्वात तरुण विश्वविजेता ठरला आहे. या विजयासह डी गुकेशनं विश्वनाथन आनंदच्या एलिट क्लबमध्ये प्रवेश केला आहे. विश्वविजेता बनणारा तो भारतातील दुसरा बुद्धिबळपटू आहे. ही कामगिरी करणारा विश्वनाथन आनंद हा पहिला भारतीय खेळाडू आहे.
POV you just witnessed Gukesh D become the 18th World Champion! #DingGukesh 🇮🇳 🏆 ♟️ pic.twitter.com/gWaF8iJrvk
— International Chess Federation (@FIDE_chess) December 12, 2024
चुरशीची लढत : सिंगापूरमध्ये गेल्या अनेक दिवसांपासून सुरू असलेल्या जागतिक अजिंक्यपद स्पर्धेत चीनचा डिंग आणि भारताचा गुकेश यांच्यात चुरशीची लढत होती. डिंगनं गेल्या वर्षी ही स्पर्धा जिंकली होती. अशा परिस्थितीत त्यानं गतविजेता म्हणून या स्पर्धेत प्रवेश केला होता. तर गुकेशनं या वर्षाच्या सुरुवातीला झालेल्या उमेदवारांची स्पर्धा जिंकून या चॅम्पियनशिपमध्ये चॅलेंजर म्हणून प्रवेश केला होता. विश्व चॅम्पियनशिपमध्ये पोहोचणारा तो विश्वनाथन आनंदनंतरचा दुसरा भारतीय आणि जगातील सर्वात तरुण खेळाडू ठरला.
🇮🇳 Gukesh D is the YOUNGEST WORLD CHAMPION in history! 🔥 👏 pic.twitter.com/MYShXB5M62
— International Chess Federation (@FIDE_chess) December 12, 2024
कसा झाला सामना : भारतीय ग्रँडमास्टर डी गुकेशनं 13 गेमनंतर त्याचा चिनी प्रतिस्पर्धी डिंग लिरेनसोबत 6.5-6.5 अशी बरोबरी साधली. 14व्या गेममध्ये डिंग लिरेन पांढऱ्या मोहऱ्यांसह खेळत होता. अशा स्थितीत त्यांचा वरचष्मा मानला जात होता. पण डी गुकेशनं सर्व अंदाज धुडकावून लावत सामना जिंकलाच शिवाय सर्वात तरुण विश्वविजेता बनण्याचा पराक्रमही केला.
🇮🇳 GUKESH D WINS THE 2024 FIDE WORLD CHAMPIONSHIP! 👏 🔥#DingGukesh pic.twitter.com/aFNt2RO3UK
— International Chess Federation (@FIDE_chess) December 12, 2024
WE HAVE A NEW WORLD CHAMPION! ♟️ 🔥 🏆
— International Chess Federation (@FIDE_chess) December 12, 2024
Congratulations Gukesh D 🇮🇳! 👏 👏#DingGukesh pic.twitter.com/W4w2dE0C36
🇮🇳 Gukesh D is the YOUNGEST WORLD CHAMPION in history! 🔥 👏 pic.twitter.com/MYShXB5M62
— International Chess Federation (@FIDE_chess) December 12, 2024
