मुंबई Lok Sabha Election : राज्यात आज लोकसभा निवडणुकीच्या पाचव्या टप्प्यात मतदान होत आहे. या टप्प्यात देशाची आर्थिक राजधानी असलेल्या मुंबईतील सहा लोकसभा मतदारसंघात मतदान होत आहे. वेळेशी स्पर्धा करणारे मुंबईकर मतदानाला कसा प्रतिसाद देतात, याकडे सर्व देशाचं लक्ष लागलंय. यात आज सकाळपासूनच अनेक दिग्गज अभिनेते, उद्योगपती, आदींनी आपला मतदानाचा हक्क बजावलाय.
आरबीआयचे गव्हर्नर शक्तिकांत दास यांनी केलं मतदान : रिझर्व्ह बॅंकेचे गव्हर्नर शक्तिकांत दास यांनीही मुंबईत आपला मतदानाचा हक्क बजावला. मतदानानंतर ते म्हणाले, "प्रत्येक भारतीयांसाठी हा अतिशय अभिमानाचा क्षण आहे. 140 कोटी लोकांनी निवडणुकीत भाग घेणं हा अभिमानाचा क्षण आहे. आज मतदान प्रक्रिया अतिशय सुरळीत पार पडली. मी खूप आनंदी आहे. निवडणूक आयोगाचा अभिमान आहे. मी देशभरात काम करणाऱ्या सर्व अधिकाऱ्यांचं अभिनंदन करतो. प्रत्येक भारतीयानं बाहेर पडून मतदान करणं हा खरोखरच अभिमानाचा क्षण आहे."
अक्षय कुमारनं केलं मतदान : अभिनेता अक्षय कुमारनंही आपला मतदानाचा हक्क बजावला. यानंतर तो म्हणाला, "माझा देश विकसित आणि मजबूत राहावा आणि पुढं जात राहावा अशी माझी इच्छा आहे. हे लक्षात घेऊन मी मतदान केलं आहे. देशातील जास्तीत जास्त लोकांनी आपल्या विवेकबुद्धीनुसार मतदान करण्यासाठी पुढे यावं." अक्षयनं मुंबईतील जुहू येथील मतदान केंद्रावर मतदान केलं.
- अभिनेता फरहान अख्तर आणि त्याची बहीण झोया अख्तर यांनी मुंबईतील मतदान केंद्रावर पोहोचून मतदान केलं.
- उद्योगपती अनिल अंबानी भल्या सकाळी मतदान करण्यासाठी मुंबईतील बूथवर पोहोचले. सर्वसामान्य मतदारांमध्ये ते रांगेत उभे असल्याचं दिसून आलं.
- अभिनेत्री जान्हवी कपूर मतदान करण्यासाठी मुंबईतील एका मतदान केंद्रावर पोहोचली. यावेळी तिनं सर्वांनी घराबाहेर पडून मतदान करण्याचं आवाहन केलं.
- बॉलीवूड अभिनेता राजकुमार राव देखील मतदान करण्यासाठी मुंबईतील ज्ञान केंद्र हायस्कूल येथील मतदान केंद्रावर पोहोचला. तर सान्या मल्होत्रानंही ज्ञान केंद्र हायस्कूलमध्ये मतदान केलं.
- अभिनेत्री शुभा खोटे हिनं मुंबईतील जुहू येथील गांधीग्राम शाळेतील मतदान केंद्रावर मतदान केलं. "मी इथं आले आहे आणि प्रत्येकानं घराबाहेर पडून मतदान करायला यावं, अशी माझी इच्छा आहे," असं तीनं म्हटलंय.
- अभिनेत्री जान्हवी कपूरनही सकाळी मतदानासाठी मुंबईतील मतदान केंद्रावर पोहोचत मतदान केलंय.
- अभिनेता सुनील शेट्टी मतदान करण्यासाठी मुंबईतील एका मतदान केंद्रावर पोहोचला.
- अभिनेत्री अनिता राजनं देखील मतदान केलं. मतदान केल्यानंतर अनिता राज म्हणाली, "आपण सर्वजण या देशाचे जबाबदार नागरिक आहोत, तुम्ही या आणि मतदान करा. मला कळलं आहे की मतदानाची संख्या कमी आहे, त्यामुळं आळशी होऊ नका, बाहेर या आणि मतदान करा, हे खूप महत्वाचं आहे."
- अभिनेत्री आणि भाजपा खासदार हेमा मालिनी, तिची मुलगी आणि अभिनेत्री ईशा देओल यांनीही मुंबईतील मतदान केंद्रावर मतदान केलं.
- ज्येष्ठ अभिनेते धर्मेंद्र यांनीही मुंबईतील मतदान केंद्रावर मतदान केलं.
- राज्याचे मुख्यमंत्री एकनाथ शिंदे यांनीही ठाण्यातील एका मतदान केंद्रावर कुटुंबीयांसह आपला मतदानाचा हक्क बजावला.
- जेष्ठ अभिनेते परेश रावल, अभिनेता तथा शिवसेना नेते गोविंदानंही आपला मतदानाचा हक्क बजावला.
- माजी मुख्यमंत्री उद्धव ठाकरे देखील मतदानासाठी मतदान केंद्रावर दाखल झाले आहेत.
- मनसे अध्यक्ष राज ठाकरे देखील मतदानासाठी मतदान केंद्रावर दाखल झाले आहेत.
हेही वाचा :
