लोकसभेत मोदी-शाहांना दिलेलं आव्हान पूर्ण करण्यासाठी राहुल गांधी आज गुजरात दौऱ्यावर - Rahul Gandhi To Visit Gujarat

Rahul Gandhi To Visit Gujarat : विरोधी पक्षनेतेपदी विराजमान झाल्यानंतर राहुल गांधी पहिल्यांदाच गुजरातला जात आहेत. लोकसभेत राष्ट्रपतींच्या अभिभाषणावरील चर्चेदरम्यान राहुल गांधी यांनी यावेळी गुजरातमध्ये भाजपाचा पराभव करणार असल्याचं सांगितलं होतं.

अहमदनगर Rahul Gandhi To Visit Gujarat : काँग्रेस खासदार आणि लोकसभेतील विरोधी पक्षनेते राहुल गांधी आज गुजरात दौऱ्यावर जाणार आहेत. आपल्या दौऱ्यात ते पोलीस कोठडीत असलेल्या काँग्रेस कार्यकर्त्यांची आणि त्यांच्या कुटुंबीयांची भेट घेणार आहेत. याशिवाय राहुल गांधी राजकोटमध्ये नुकतीच लागलेली आग आणि मोरबी येथील पूल कोसळून झालेल्या दुर्घटनेतील पीडितांशी संवाद साधणार आहेत. विशेष म्हणजे आज गृहमंत्री अमित शाह हे सुद्धा आज गुजरात दौऱ्यावर जाणार आहेत.

गुजरात कांग्रेस कार्यालय पर हुआ कायरतापूर्ण और हिंसक हमला भाजपा और संघ परिवार के बारे में मेरी बात को और पुख्ता करता है।

हिंसा और नफ़रत फैलाने वाले भाजपा के लोग हिंदू धर्म के मूल सिद्धांतों को नहीं समझते।

गुजरात की जनता उनके झूठ के पार साफ देख सकती है और भाजपा सरकार को निर्णायक…

— Rahul Gandhi (@RahulGandhi) July 3, 2024

विरोधी पक्षनेते झाल्यानंतर राहुल गांधींची पहिलाच गुजरात दौरा : विरोधी पक्षनेते झाल्यानंतर राहुल गांधी यांचा हा पहिलाच गुजरात दौरा आहे. लोकसभेत राष्ट्रपतींच्या अभिभाषणावरील चर्चेदरम्यान राहुल गांधी यांनी यावेळी गुजरातमध्ये भाजपाचा पराभव करणार असल्याचं सांगितलं होतं. 2027 मध्ये 'इंडिया' आघाडी भाजपचाा पराभव करेल, असं राहुल गांधी म्हणाले. या विधानानंतर राहुल गांधी यांचा गुजरात दौरा होत आहे. त्यामुळे राहुल गांधी यांनी आतापासूनच 2027 ची तयारी सुरू केल्याची चर्चा करण्यात येत आहे. दुपारी 1 वाजता राहुल गांधी अहमदाबादमधील वसना पोलीस स्टेशनमध्ये पोलीस कोठडीत असलेल्या काँग्रेस नेत्यांची भेट घेतील. दुपारी 1:30 वाजता ते अहमदाबादच्या काँग्रेस भवनातील पीसीसी कार्यालयात काँग्रेस कार्यकर्त्यांना संबोधित करतील. त्यानंतर दुपारी 2:30 वाजता राजकोटमध्ये नुकतीच लागलेली आग आणि मोरबी येथील पूल कोसळून झालेल्या दुर्घटनेतील पीडितांशी संवाद साधणार आहेत.

Gujarat: Lok Sabha LoP Rahul Gandhi to visit Ahmedabad today

Read @ANI Story | https://t.co/hHTxIAmCqZ#RahulGandhi #Gujarat #Ahmedabad pic.twitter.com/1rhs4S1opX

— ANI Digital (@ani_digital) July 6, 2024

राहुल गांधी यांच्या विधानावरुन गदारोळ : राहुल गांधी यांच्या 'भाजपा म्हणजे सगळे हिंदू नाही' या वक्तव्यावरुन गदारोळ सुरू आहे. भाजपा आणि आरएसएसचे लोक म्हणजे हिंदू नाहीत, असं राहुल गांधी यांनी लोकसभेत म्हटलं होतं. यानंतर त्यांनी दिलेल्या वक्तव्याच्या निषेधार्थ गुजरातमधील भाजपा कार्यकर्त्यांनी काँग्रेस कार्यालयाबाहेर जोरदार निदर्शनं केली. गुजरातमध्ये भाजपा कार्यकर्त्यांनी दगडफेक आणि काँग्रेसच्या कार्यालयावर हल्ला केला. बजरंग दलाच्या कार्यकर्त्यांनी राहुल गांधींच्या पुतळ्याचं दहन केलं. राहुल गांधी यांनी या घटनेचा तीव्र शब्दात निषेध केला. राहुल गांधी यांनी सोशल मीडिया एक्सवर लिहिलं होतं की, "हिंसा आणि द्वेष पसरवणाऱ्या भाजपाच्या लोकांना हिंदू धर्माची मूलभूत तत्त्वेच समजत नाहीत. गुजरातची जनता भाजपाला धडा शिकवेल. मी पुन्हा सांगतोय – गुजरातमध्ये 'इंडिया' आघाडी जिंकणार आहे!"

काँग्रेसची अगतिक धडपड : गुजरातमध्ये 2027 मध्ये विधानसभा निवडणुका आहेत. ज्यासाठी काँग्रेसनं आतापासूनच तयारी सुरू केली आहे. गुजरात हा भाजपाचा मजबूत बालेकिल्ला आहे. इथं काँग्रेस दीर्घकाळ सत्तेबाहेर आहे. गेल्या तीन दशकांपासून गुजरातमध्ये भाजपाची सत्ता आहे. 2022 च्या विधानसभा निवडणुकीत काँग्रेसला दारुण पराभवाला सामोरं जावं लागलं होतं. गुजरातमध्ये 182 जागांपैकी काँग्रेसला केवळ 17 जागा मिळाल्या होत्या. तर भाजपानं 156 जागा जिंकल्या होत्या. त्याचवेळी एक जागा सपाकडं गेली आणि उर्वरित तीन जागा अपक्षांच्या वाट्याला गेल्या. भाजपाला 52.5 टक्के तर काँग्रेसला 27.3 टक्के मतं मिळाली होती.

केंद्रीय गृहमंत्री अमित शाह देखील गुजरात दौऱ्यावर : केंद्रीय गृहमंत्री अमित शाह आजपासून दोन दिवसांच्या गुजरात दौऱ्यावर आहेत. अमित शाह आज (6 जुलै, शनिवार) गांधीनगर, बनासकांठा, पंचमहाल जिल्ह्यात विविध कार्यक्रमांमध्ये सहभागी होणार आहेत. त्यानंतर दुपारी 2 वाजता ते बनासकांठा इथं पोहोचतील, बनासकांठा जिल्ह्यातील चांगडा गावात महिला दूध उत्पादकांना शून्य टक्के व्याजासह RuPay क्रेडिट कार्ड वितरित करतील. यानंतर सायंकाळी 5.45 वाजता ते गोध्रा येथील पंचामृत डेअरी येथे जिल्ह्यातील सर्व सहकारी बँका आणि दुग्ध व्यवसायाच्या अधिकाऱ्यांची बैठक घेणार आहेत.

हेही वाचा