मुंबई Vettainyan Movie New Song : अभिनेता रजनीकांतच्या 'वेट्टयान'मधील पहिलं गाणं 'मनासिलायो' रिलीज केल्यानंतर काही दिवसांनी, निर्मात्यांनी पुन्हा एकदा चित्रपटातील एक गाणं रिलीज करून चाहत्यांना भेट दिली आहे. या गाण्याचे बोल 'हंटर वंतार' असे आहेत. 'वेट्टयान'मधील 'हंटर वंतार' गाणं खूप धमाकेदार असून आता अनेकांना पसंत पडत आहे. 'हंटर वंतार' हे गाणं सिद्धार्थ बसरूरनं गायलं आहे. या गाण्याला संगीतबद्ध अनिरुद्ध रविचंदरनं केलंय. यापूर्वी रिलीज झालेलं 'मनासिलायो' गाणं देखील चाहत्यांना खूप आवडलं होतं. 'वेट्टयान'च्या निर्मात्यांनी 20 सप्टेंबर म्हणजे आजच जवाहरलाल इनडोअर स्टेडियम, चेन्नई येथे एक भव्य ऑडिओ लॉन्च कार्यक्रम आयोजित केला आहे.
'वेट्टयान' चित्रपटामधील रजनीकांतची भूमिका : मिळालेल्या माहितीनुसार रजनीकांत, अमिताभ बच्चन, राणा दग्गुबाती, फहद फासिल, मंजू वॉरियर, अनिरुद्ध रविचंदर आणि टीजे ज्ञानवेल यांच्यासह चित्रपटातील काही कलाकार या कार्यक्रमाला उपस्थित राहणार आहेत. अलीकडेच, निर्मात्यांनी शेअर केलेल्या व्हिडिओमध्ये रजनीकांत त्यांच्या चित्रपटातील संवाद बोलताना दिसत होता. या व्हिडिओच्या शेवटी तो म्हणतो, "दिग्दर्शक सर, सुपर सर." व्हिडिओ शेअर करताना निर्मात्यांनी यावर लिहिलं होतं, 'सुपरस्टार रजनीकांत डबिंग सत्रात.' 'वेट्टयान' चित्रपटामध्ये रजनीकांत निवृत्त पोलीस अधिकाऱ्याच्या भूमिकेत दिसणार आहे.
Mark your calendars! 🗓️ The VETTAIYAN 🕶️ Audio & Prevue event is happening on Sept 20 at 📍 Nehru Stadium, 6 PM onwards. Get set for a star-studded evening! 🤩#Vettaiyan 🕶️ Releasing on 10th October in Tamil, Telugu, Hindi & Kannada!@rajinikanth @SrBachchan @tjgnan… pic.twitter.com/42S3LQdNed
— Lyca Productions (@LycaProductions) September 16, 2024
'वेट्टयान' चित्रपटाबद्दल : रजनीकांत स्टारर 'वेट्टय्यान'चं दिग्दर्शन टीजे ज्ञानवेल यांनी केलय. तसंच, रजनीकांत आणि अमिताभ बच्चन 33 वर्षांनंतर 'वेट्टयान'मध्ये एकत्र काम करणार आहेत. या सुपरस्टार जोडीनं यापूर्वी 1991 मध्ये आलेल्या 'हम' चित्रपटात एकत्र काम केलं होतं. 'वेट्टयान' 10 ऑक्टोबर 2024 रोजी रुपेरी पडद्यावर प्रदर्शित होणार आहे. हा चित्रपट बॉक्स ऑफिसवर तामिळ, तेलगू, हिंदी आणि कन्नड भाषांमध्ये रिलीज होत असल्यानं रजनीकांतचे चाहते खूप खुश आहेत. 'वेट्टय्यान' चित्रपट 160 कोटीच्या बजेटमध्ये तयार करण्यात आला आहे. या चित्रपटाची निर्मिती लायका प्रॉडक्शन करत आहे. दरम्यान रजनीकांतच्या वर्कफ्रंटबद्दल बोलायचं झालं तर पुढं तो 'जेलर 2' आणि 'कुली' या चित्रपटांमध्ये दिसणार आहे. हे दोन्ही चित्रपट सध्या खूप चर्चेत आहेत.
हेही वाचा :
- सुपरस्टार रजनीकांतच्या डबिंग सेशनचा 'वेट्टय्यान' निर्मात्यांनी बीटीएस व्हिडिओ केला शेअर - Vettaiyan makers BTS video
- शाळेला जात नव्हता रजनीकांतचा नातू, 'थलैयवा'नं उचललं, गाडीत बसवलं, वर्गात नेलं - पाहा फोटो - Rajinikanth grandson school
- रजनीकांतच्या 'वेट्टियान'चे दिवाळीत रिलीजचे संकेत, अजितच्या चित्रपटाशी होऊ शकते बॉक्स ऑफिसवर टक्कर - Vettayaan hints at Diwali release
