नवी दिल्ली - Vijay congratulated Rahul Gandhi : तमिलगा वेत्री कळघम (TVK) पक्षाचा अध्यक्ष आणि अभिनेता थलपती विजय यानं राहुल गांधी यांची लोकसभेतील विरोधी पक्षनेतेपदी निवड झाल्याबद्दल त्यांचं अभिनंदन केलं आहे. काँग्रेसने मंगळवारी २५ जून रोजी रायबरेली येथील पक्षाचे खासदार राहुल गांधी यांना 18 व्या लोकसभेतील विरोधी पक्षनेते म्हणून घोषित केलं आणि 2014 पासून कनिष्ठ सभागृहात विरोधी पक्षनेते म्हणून निवड न झाल्याचा दशकभराचा कालावधी अखेर संपला.
Congratulations to Hon'ble Thiru. @RahulGandhi Avargal for being unanimously elected by @INCIndia and its allies as Leader of Opposition in the Lok Sabha.
— TVK Vijay (@tvkvijayhq) June 26, 2024
My best wishes to serve the people of our Nation.
राष्ट्रीय राजधानीत मीडियाशी संवाद साधताना काँग्रेस पक्षाचे नेते केसी वेणुगोपाल म्हणाले, 'काँग्रेस खासदार राहुल गांधी यांची लोकसभेतील विरोधी पक्षनेतेपदी नियुक्ती करण्यात आली आहे.' हे लक्षात घेण्यासारखे आहे की गेल्या 10 वर्षात लोकसभेत विरोधी पक्षाचा नेता नव्हता, कारण सत्ताधारी पक्षाशिवाय, विरोधी पक्षनेत्यासाठी आवश्यक असलेल्या लोकसभेच्या किमान जागा कोणत्याही राजकीय पक्षाला मिळवता आल्या नव्हत्या.
साऊथ स्टार विजय यानं त्याच्या सोशल मीडिया हँडल X वर राहुल गांधींचे अभिनंदन करणारी पोस्ट केली आहे. त्यानं कॅप्शनमध्ये लिहिले,"राहुल गांधी यांची लोकसभेतील विरोधी पक्षनेतेपदी काँग्रेस आणि त्यांच्या मित्रपक्षांनी एकमताने निवड केल्याबद्दल त्यांचे अभिनंदन. आपल्या देशाच्या लोकांची सेवा करण्यासाठी माझ्या शुभेच्छा."
नुकत्याच पार पडलेल्या लोकसभा निवडणुकीत राहुल गांधी रायबरेली आणि वायनाड लोकसभा मतदारसंघातून विजयी झाले होते. वायनाडमधून राहुल गांधी यांनी भारतीय कम्युनिस्ट पक्षाच्या अ‍ॅनी राजा यांचा 364422 मतांनी पराभव केला, तर रायबरेलीमध्ये त्यांनी भारतीय जनता पक्षाच्या दिनेश प्रताप सिंह यांचा 3,90,030 मतांच्या फरकानं पराभव केला होता.
अभिनेता थलपती विजयनं नुकताच त्याचा वाढदिवस साजरा केला, यासाठी तामिळनाडूच्या AIADMK, भाजप आणि काँग्रेसच्या नेत्यांनी त्याला शुभेच्छा दिल्या होत्या. विजयनंही या सर्वांचं आभार मानलं. मात्र, द्रमुकच्या कोणत्याही नेत्यानं अभिनेत्याला वाढदिवसाच्या शुभेच्छा दिल्या नव्हत्या. त्यामुळे सोशल मीडियावर चर्चा सुरू झाली होती.
विजय अभिनय करत असलेल्या 'द गोट - ग्रेटेस्ट ऑफ ऑल टाईम' च्या निर्मात्यांनी चित्रपटाची एक छोटी झलक प्रसिद्ध केली आहे. 'द गोट बर्थडे शॉट्स' 50-सेकंदाची क्लिप परदेशात कुठेतरी एका पाठलागाच्या दृश्याने सुरू होते, जिथे आम्ही लोकांचा एक गट दुचाकीवरून दोन लोकांचा पाठलाग करताना आपण पाहतो. या चित्रपटात तो दुहेरी भूमिका करत असल्याचं या टीझरमधून स्पष्ट झालं होतं. व्यंकट प्रभू दिग्दर्शित 'द गोट' 5 सप्टेंबरला रिलीजसाठी सज्ज होणार आहे.
हेही वाचा -
- मलायका अरोरानं टाळली अर्जुन कपूरच्या वाढदिवसाची पार्टी, विभक्त होण्याच्या अफवा नसून सत्य? - Malaika Arora and ARJUN KAPOOR
- 'कल्की 2898 एडी'मधून 'सुप्रीम यास्किन'च्या रूपात कमल हासनचं फर्स्ट लूक पोस्टर रिलीज - Kamal Haasan first look poster
- 'लाईफ लाईन'मध्ये २ ऑगस्टला रंगणार अशोक सराफ - माधव अभ्यंकर यांच्यात पराकोटीचा संघर्ष - Marathi movie Life Line
