मुंबई - Tamannaah Bhatia Vijay Varma : अभिनेता विजय वर्मा आणि अभिनेत्री तमन्ना भाटिया यांनी त्यांचे नाते अधिकृत केले नसून दोघेही अनेकदा एकत्र दिसतात. नुकतेच हे जोडपे एका चित्रपटगृहांच्या हॉलमधून बाहेर पडताना दिसले. पापाराझींना पाहून दोघेही आश्चर्यचकित झाले. दोघेही मंगळवारी रात्री ‘क्रू’ चित्रपट पाहायला गेले होते. तमन्ना भाटिया आणि विजय वर्मा यांनी जेव्हा एकमेकांना डेट करायला सुरुवात केली, तेव्हा अनेकाजण चकीत झाले होते. आता या दोघांची जोडी अनेकांना आवडते. नुकताच सोशल मीडियावर पापाराझीनं एक व्हिडिओ शेअर केला आहे. या व्हिडिओमध्ये तमन्ना आणि विजय एकत्र चित्रपटगृहांच्या बाहेर येत आहेत.
विजय वर्मा आणि तमन्ना भाटिया व्हिडिओ व्हायरल : या क्लिपमध्ये, पापाराझी दूरवरून कॅमेरे घेऊन जोडप्याच्या दिशेने धावत आहेत. यानंतर तमन्ना आणि विजय हातात हात घालून फोटोसाठी पोझ देत होते. यावेळी तमन्नानं काळ्या टॉपसह मॅचिंग ट्राउझर्स परिधान केला होता. याशिवाय तिनं सुंदर अशी कॅप घातली होती. तसेच विजय वर्मानं बेज ग्राफिक टी-शर्टसह काळ्या रंगाची पॅन्ट घातली होती. यावर तो देखणा दिसत होता. आता या जोडप्याचा व्हिडिओ अनेक चाहत्यांना आवडत आहे. याशिवाय काहीजण विजयला तो खूप भाग्यवान असल्याचं म्हणत आहेत. विजय आणि तमन्ना अनेकदा आपले फोटो आणि व्हिडिओ सोशल मीडियावर शेअर करत असतात.
विजय वर्मा आणि तमन्ना भाटियाचं वर्कफ्रंट : नुकताच विजय वर्मा 'मर्डर मुबारक' या मिस्ट्री थ्रिलर चित्रपटात दिसला होता. चित्रपटाच्या यशानंतर त्यानं तामिळ चित्रपटाच्या शूटिंगला सुरुवात केली. तो लवकरच 'उल जलुल इश्क'मध्येही दिसणार आहे. याशिवाय तो अनुभव सिन्हाच्या 'आयसी 814: कंधार अटॅक'मध्ये झळकणार आहे. तमन्ना भाटियाच्या वर्क फ्रंटबद्दल बोलायचं झालं तर तिनं एका तामिळ चित्रपटाचे शूटिंग पूर्ण केलं आहे. जॉन अब्राहमबरोबर ती 'वेदा'मध्ये दिसणार आहे. तसेच ती 'स्त्री 2'मधील एका गाण्यात कॅमिओ करताना दिसणार असल्याच्या चर्चा आहेत. याशिवाय पुढं ती 'ओडेला 2', 'अरमानाई 4', 'कथु करुप्पु', आणि 'येन एंद्रु काधल एनबेन' या चित्रपटांमध्ये दिसणार आहेत.
हेही वाचा :
- अल्लु अर्जुनच्या वाढदिवसाचे काऊंटडाऊन 'पुष्पा मास जत्रा'सह सुरू, निर्मांत्यांनी दिली नवी अपडेट - Pushpa 2 release preparations
- वरुण धवनने शेअर केला 'बेबी जॉन' सेटवरील फोटो, शूटिंगचा '७० वा दिवस' असल्याचा केला खुलासा - Varun Dhawan next movie
- अमिताभ यांनी समुद्राखालील बोगद्यातून केला पहिल्यांदा प्रवास, व्हिडिओसह शेअर केला अद्भूत अनुभव - Amitabh traveled undersea tunnel
