मुंबई - देशात 'पुष्पा 2'चा क्रेझ पाहून बॉलिवूडचे बडे स्टार्स हैराण झाले आहेत. आता रणबीर कपूरनं त्याच्या 'ॲनिमल 3'बद्दल एक मोठे अपडेट दिली आहे. 'ॲनिमल पार्क'च्या रिलीजपूर्वी रणबीर कपूरनं तिसऱ्या भागाबाबत संकेत दिल्यानंतर आता त्याचे चाहते प्रचंड खुश झाले आहेत. रणबीर कपूरनं नुकत्याच दिलेल्या एका मुलाखतीत सांगितलं की, "आम्ही या चित्रपटाची शूटिंग 2027मध्ये सुरू करणार आहोत. या चित्रपटाला खूप वेळ आहे. मी संदीप रेड्डी वंगा यांना एक कल्पना दिली आहे, की चित्रपट कसा बनवल्या जाऊ शकतो. 'ॲनिमल'चे तीन भागामध्ये असेल. दुसऱ्या पार्टच नाव 'ॲनिमल पार्क' आहे. आम्ही सध्या या चित्रपटावर चर्चा करत आहोत. 'ॲनिमल पार्क' चित्रपटाला आम्ही खूप समोर येऊन जाणार आहोत. मी या चित्रपटासाठी खूप उत्सुक आहे, कारण मी यात नायक आणि खलनायकाची भूमिका साकारत आहे. मी या चित्रपटाचा भाग बनून खूप खुश आहे."
रणबीर कपूरनं 'ॲनिमल 3'ची केली पुष्टी : यानंतर त्यानं पुढं सांगितलं की, "दुसऱ्या पार्टीमध्ये जो खलनायक असणार आहे, तो प्लास्टिक सर्जरी करून माझ्यासारखा बनेल.' तिसऱ्या भागाचं नावाबद्दल सध्या खुलासा झालेला नाही. दरम्यान 'ॲनिमल' हा चित्रपट 1 डिसेंबर 2023 रोजी रुपेरी पडद्यावर प्रदर्शित झाला होता, या चित्रपटानं बॉक्स ऑफिसवर खळबळ उडवून दिली होती. 'ॲनिमल'नं जगभरातील बॉक्स ऑफिसवर 900 कोटी रुपयांहून अधिक कलेक्शन केलं होतं. 2023 मधील 'पठाण' आणि 'जवान'नंतर 'ॲनिमल' सर्वाधिक कमाई करणारा चित्रपट होता.
'ॲनिमल पार्क'साठी चाहते आतुर : 'ॲनिमल'चं दिग्दर्शन संदीप रेड्डी वंगा यांनी केलं होतं. 'ॲनिमल' हा चित्रपट खूप चर्चेत आला होता. अनेकांना हा चित्रपट आवडला, तर अनेकांनी यावर टीकाही केली होती. दरम्यान, रणबीर कपूरचे चाहते त्याच्या आगामी 'ॲनिमल पार्क'साठी आतुरतेनं वाट पाहत आहेत. सध्या रणबीर कपूर दिग्दर्शक नितेश तिवारी यांचा चित्रपट 'रामायण पार्ट 1'च्या शूटिंगमध्ये व्यग्र आहे. 'रामायण पार्ट 1' आणि 'रामायण पार्ट 2' अनुक्रमे 2026 आणि 2027 मध्ये रुपेरी पडद्यावर प्रदर्शित होणार आहेत.
हेही वाचा :
