मुंबई : ग्लोबल स्टार प्रियांका चोप्रानं सोशल मीडियावर काही फोटो आणि व्हिडिओ शेअर केले आहेत. फोटोत 'देसी गर्ल' ही स्वित्झर्लंडमधील हिमवर्षावाचा आनंद घेताना दिसत आहे. मंगळवार, 15 ऑक्टोबर रोजी प्रियांकानं तिच्या अधिकृत इंस्टाग्रामवर सुंदर झलक चाहत्यांना दाखवली. तिनं शेअर केलेल्या व्हिडिओमध्ये ती काळ्या लांब जाकीट आणि निळ्या को-ऑर्डर सेटमध्ये बर्फाच्छादित असलेल्या वातावरणात आनंद लुटताना दिसत आहे. 'देसी गर्ल'ची ही पोस्ट श्रीदेवी आणि ऋषी कपूर यांच्या 'चांदनी' चित्रपटातील 'ओ मेरी चांदनी' या प्रसिद्ध गाण्याबरोबर जोडण्यात आली आहे.
प्रियांका चोप्रा स्वित्झर्लंडमधील हिमवर्षावाचा आनंद घेताना : प्रियांका बर्फाच्या वादळात शूटिंग करत असल्याचं व्हिडिओत दिसत आहे. या पोस्टच्या कॅप्शनमध्ये प्रियांकानं लिहिलं, 'स्वित्झर्लंडमधील माझ्या शूटपासून थोडेसे बीटीएस. वास्तविक हिमवादळाच्या मध्यभागी. पण मजा आली.' प्रियांकाच्या या पोस्टवर तिचा पती-हॉलिवूड गायक निक जोनासनं प्रतिक्रिया दिली आहे. कमेंट करताना निकनं फायर इमोजीसह 'डॅम' असं लिहिलं आहे. तसेच प्रियांकाची चुलत बहिण मीरा चोप्रानं 'ओह गॉड... इतके हॉट बनणे बंद कर.' असं लिहिलंय. याशिवाय अभिनेत्री इलियाना डिसूझानं यावर लिहिलं,'पहिली निळी आउटफिट.' आता अनेक चाहते प्रियांकाच्या लूकबद्दल कौतुक करत आहेत. तसेच काहीजणांना ही पोस्ट पाहून चांदणी उर्फ श्रीदेवीची आठवण झाली आहे.
प्रियांका चोप्राची वर्क फ्रंट : याशिवाय तिनं तिच्या इंस्टाग्राम स्टोरीवर एक व्हिडिओ शेअर केला आहे. यामध्ये तिनं 'क्रेन्स मोंटाना, आल्प्स,स्वित्झर्लंडमध्ये आपले बॉलिवूडमधील स्वप्न साकार करताना.' असं लिहिलंय. अलीकडेच प्रियांकानं तिच्या आगामी 'द ब्लफ' या चित्रपटाचे शूटिंग पूर्ण केलं आहे. फ्रँक इवेन फ्लॉवर्स दिग्दर्शित 'द ब्लफ'मध्ये प्रियांकाबरोबर कार्ल अर्बन दिसणार आहे. 'द ब्लफ' व्यतिरिक्त प्रियांका जॉन सीना आणि इद्रिस एल्बासह 'हेड्स ऑफ स्टेट'मध्येही दिसणार आहे. त्याचा हा चित्रपट बऱ्याचं दिवसांपासून चर्चेत आहे. प्रियांका आणि जॉन सीना यांना एकत्र पाहण्यासाठी चाहते खूप आतुर आहेत.
हेही वाचा :
- प्रियांका चोप्रा जोनास 'सिटाडेल 2'मध्ये नादियाच्या भूमिकेत परतली, सेटवरील व्हिडिओ व्हायरल - Citadel 2
- प्रियांका चोप्रानं पतीला वाढदिवसानिमित्त दिल्या शुभेच्छा, निक जोनासनं लंडन लाइव्ह कॉन्सर्टमध्ये कापला केक - NICK JONAS BIRTHDAY
- निक जोनास-देसी गर्लची जोडी पुन्हा चर्चेत, मित्राच्या लग्नात दिसला रोमॅंटिक अंदाज - Nick Jonas shares a romantic photo
