मुंबई - Kartik Aaryan : अभिनेता कार्तिक आर्यन त्याच्या आगामी 'भूल भुलैया 3' या चित्रपटामुळे चर्चेत आहे. नुकतीच विद्या बालन आणि माधुरी दीक्षित यांची एन्ट्री या चित्रपटात झाली आहे. कार्तिक आर्यन पुन्हा एकदा या चित्रपटात 'रूह बाबा'ची भूमिका साकारून चाहत्यांचे मनोरंजन करणार आहे. आता या चित्रपटात आणखी एका अभिनेत्रीची एन्ट्री झाली आहे. कार्तिक आर्यननं 'भूल भुलैया 3' मधील एका मिस्ट्री गर्लचा फोटो आज 21 फेब्रुवारी रोजी सोशल मीडियावर शेअर केला आहे. आता ही अभिनेत्री कोण आहे हे तुम्ही ओळखू शकाल का? शेअर केलेल्या फोटोमध्ये या अभिनेत्रीचा अर्धा चेहरा दिसत आहे.
कार्तिकनं शेअर केला 'भूल भुलैया 3'मधील मिस्ट्री गर्लचा फोटो : हा फोटो शेअर करत कार्तिकनं लिहिले, ''भूल भुलैया'ची गुंतागुंत सोडवा, चित्रपटामधील मिस्ट्री गर्ल आणि दिवाली 2024.'' आता कार्तिकच्या या पोस्टवर अनेकजण कमेंट्स करत आहेत. अनेकांनी 'भूल भुलैया 3'ची ही मिस्ट्री गर्ल ओळखली आहे. कार्तिकच्या सर्व चाहत्यांनी त्याच्या पोस्टवर रणबीर कपूर स्टारर ॲनिमल चित्रपटामधील अभिनेत्री तृप्ती दिमरीचं नाव घेत आहे. कार्तिकनं शेअर केलेल्या पोस्टरवरून तृप्ती दिमरीची एंट्री या चित्रपटात झाल्याचं स्पष्ट दिसून येत आहे. कार्तिकच्या या पोस्टवर अनेकजण या चित्रपटाची प्रतीक्षा करत असल्याचं सांगत आहे.
'भूल भुलैया 3' चित्रपट कधी होणार प्रदर्शित ? : कार्तिक आर्यन, विद्या बालन, माधुरी दीक्षित आणि तृप्ती दिमरी स्टारर चित्रपट 'भूल भुलैया 3' यंदाच्या दिवाळीत प्रेक्षकांच्या मनोरंजनासाठी येत आहे. अनीस बज्मी या चित्रपटाचे दिग्दर्शन करत आहेत. अक्षय कुमार या चित्रपटात दिसणार नसल्याचं दिग्दर्शकानं अलीकडेच पुष्टी केली होती. दरम्यान कार्तिक आर्यनच्या वर्कफ्रंटबद्दल बोलायचं झालं तर तो शेवटी 'सत्यप्रेम की कथा' या चित्रपटामध्ये दिसला होता. आता पुढं तो 'चंदू चॅम्पियन' या चित्रपटामध्ये दिसणार आहे. या चित्रपटामध्ये त्याच्याबरोबर श्रद्धा कपूर, कतरिना कैफ, विजय राज, पलक लालवानी, राजपाल यादव आणि इतर कलाकार दिसणार आहेत.
हेही वाचा :
