मुंबई - Happy Birthday Priyanka Chopra : प्रियांका चोप्रा 18 जुलैला तिचा 42 वा वाढदिवस साजरा करत आहे. तिनं 2000 मध्ये वयाच्या 18 व्या वर्षी मिस वर्ल्डचा किताब जिंकला होता. या यशानंतरच तिला चित्रपटाच्या ऑफर्स येऊ लागल्या.'थामिजान' या तमिळ चित्रपटातून तिनं चित्रपटसृष्टीत पदार्पण केलं. 2003 मध्ये 'द हीरो: लव्ह स्टोरी ऑफ अ स्पाय' या चित्रपटाद्वारे तिनं बॉलिवूडमध्ये एंट्री केली. या चित्रपटात तिच्याबरोबर सनी देओल आणि प्रिती झिंटा दिसले होते. हा चित्रपट बॉक्स ऑफिसवर फ्लॉप ठरला. या चित्रपटानंतर तिनं अनेक चित्रपटामध्ये काम केलं. यानंतर तिला बॉलिवूडमध्ये एक नवीन ओळख मिळाली.
प्रियांका चोप्राचं करिअर : प्रियांकानं बॉलिवूडमध्ये अनेक सुपरहिट चित्रपट दिले आहे. तिनं 'अंदाज', ऐतराज','मुझसे शादी करोगी', 'डॉन' आणि 'क्रिश' यांसारख्या चित्रपटांमध्ये काम केलं आहे. प्रियांकानं सलमान खान, शाहरुख खान, अक्षय कुमारसह अनेक सुपरस्टार्सबरोबर काम केलंय. 2015 पर्यंत प्रियांकानं बॉलिवूडमध्ये खूप काम केलं . त्यानंतर तिनं बॉलिवूड चित्रपटांकडे फारसे लक्ष दिलं नाही. आजही ती बॉलिवूडमधील सर्वाधिक मानधन घेणाऱ्या अभिनेत्रींपैकी एक आहे. आता 'देसी गर्ल' ग्लोबल स्टार झाली आहे. बॉलिवूडमध्ये आपले पाय रोवल्यानंतर ती हॉलिवूडकडे गेली. ती हॉलिवूडमध्ये 9 वर्षांपासून काम करत आहे.
प्रियांका चोप्रानं केली होती हॉलिवूडमध्ये एंट्री : 2015 मध्ये प्रियांकानं अमेरिकन टीव्ही शो 'क्वांटिको'मधून हॉलिवूडमध्ये पदार्पण केलं होतं. या शोमध्ये तिनं एफबीआय एजंट ॲलेक्स पॅरिशची भूमिका साकारली होती. 'क्वांटिको'मधून प्रियांकाला हॉलिवूडमध्ये स्वत:ची ओळख निर्माण करण्याची संधी दिली. या शोनंतर तिला इतर हॉलिवूड चित्रपटांच्या ऑफर्सही येऊ लागल्या. तिनं 'बेवॉच'मध्ये ड्वेन जॉन्सन आणि झॅक एफ्रॉनबरोबर स्क्रीन शेअर केली. आता प्रियांका हॉलिवूडमध्ये खूप सक्रिय आहे. दरम्यान प्रियांकाच्या वैयक्तिक जीवनाबद्दल बोलायचं झालं तर तिनं हॉलिवूड गायक निक जोनासबरोबर 1 डिसेंबर 2018 रोजी लग्न केलं. या जोडप्यानं 2022मध्ये मुलगी मालती मेरीचं स्वागत केलं. दरम्यान प्रियांकाच्या वर्कफ्रंटबद्दल बोलायचं झालं तर पुढं ती 'द ब्लफ' आणि 'हेड्स ऑफ स्टेट' या चित्रपटांमध्ये दिसणार आहे.
हेही वाचा :
- 'द ब्लफ'च्या शूटिंगवर परतली प्रियांका चोप्रा, हातावरील जखम पाहून चाहत्यांना बसला धक्का - Priyanka Chopra
- अनंत अंबानींच्या लग्नात सहभागी झाल्यानंतर प्रियांका चोप्रानं ऑस्ट्रेलियातून मुलगी मालती मेरीबरोबर केला फोटो शेअर - priyanka chopra
- अनंत अंबानीच्या लग्नात नाचून प्रियांका चोप्रा खूश, म्हणाली, "सासरी हे सर्व मिस करते" - Priyanka Chopra
