मुंबई - Bigg Boss Marathi 5 : 'बिग बॉस मराठी सीझन 5' हा शो सुरू होऊन एक आठवडा पूर्ण झाला आहे. पहिल्याच आठवड्यात या शोमध्ये खूप चढ-उतार पाहायला मिळाले. या शोमध्ये सुरुवातीपासूनच खूप भांडणं झाली. सध्या 'बिग बॉस'च्या घरामधील वातावरण खूप गंभीर असल्याचं दिसत आहे. आता यानंतर होस्ट रितेश देशमुखनं अनेकांची शाळा घेतली आहे. सर्वांना यावेळी 'भाऊचा धक्का' पाहायला मिळाला आहे. आता पहिल्याच आठवड्यात सूरज चव्हाण, योगिता चव्हाण, धनंजय पोवार, अंकिता वालावलकर, पुरुषोत्तमदादा पाटील, वर्षा उसगांवकर, हे सदस्य नॉमिनेट झाले होते. या शोमधून पुरुषोत्तमदादा पाटील हे बाहेर झाले आहे.
'बिग बॉस मराठी 5'मधूनं पुरुषोत्तमदादा पाटील बाहेर : आता 'बिग बॉस'च्या घरात फक्त 15 स्पर्धक उरले आहेत. पुरुषोत्तमदादा पाटील हे घरातून जात असताना त्यांनी शोचा विजेता कोण असू शकतो याबद्दल आपला अंदाज व्यक्त केला आहे. 'बिग बॉस मराठी 5'चा विजेता हा अभिजीत सावंत असेल असं त्यांनी कार्यक्रमातून निरोप घेताना म्हटलं. पुरुषोत्तमदादा पाटीलला जाताना पाहून पुढारी घनःश्याम हा भावुक झाल्याचं दिसलं. आता 'बिग बॉस'च्या घरात दुसऱ्या आठवड्यात काय होणार, याबद्दल अनेकांना उत्सुकता लागली आहे. हा शो प्रेक्षकांना खूप आवडत आहे. याशिवाय काही प्रेक्षक आपल्या प्रतिक्रिया देखील सोशल मीडियावर देऊन आपले मत व्यक्त करत आहेत.
प्रोमो रिलीज : दरम्यान सोशल मीडियावर 'बिग बॉस मराठी 5'चा, दुसऱ्या आठवड्याचा पहिला प्रोमो रिलीज झाला आहे. या प्रोमोमध्ये जान्हवी किल्लेकर आणि सूरज चव्हाणमध्ये जोरदार भांडण होताना दिसत आहेत. या दोघांना घरातील इतर सदस्य शांत करण्याचा प्रयत्न करत आहेत. 'बिग बॉस मराठी 5' निर्मात्यांनी प्रोमो शेअर करत या व्हिडिओच्या कॅप्शनमध्ये लिहिलं, "बिग बॉसच्या घरात लागलाय तडका, जान्हवी आणि सूरजचा गोलीगत झगडा, 'बिग बॉस मराठी' दररोज, रात्री 9 वाजता. फक्त कलर्स मराठीवर आणि जीओ सिनेमावर." आता व्हायरल व्हिडिओवर एकानं कमेंट करत लिहिलं "ही सर्वांनाच काढायला बसली हिला सगळ्यांनी मिळून काढा एकदा बाहेर." आणखी दुसऱ्यानं लिहिलं, "जान्हवी ही बिनडोक आहे." अनेकजण सूरजला पाठिंबा सोशल मीडियावर देत आहेत.
हेही वाचा :
