मुंबई - Shaitaan advance booking: अभिनेता अजय देवगण, आर माधवन आणि ज्योतिका स्टारर 'शैतान' चित्रपट सध्या खूप चर्चेत आहे. या चित्रपटाचं ट्रेलर रिलीज झाल्यानंतर अनेकजण 'शैतान'ची वाट पाहू लागले. आता अखेर हा चित्रपट रुपेरी पडद्यावर दाखल होणार आहे. 'शैतान' चित्रपटाचं बुकिंग 4 फेब्रुवारीपासून सुरू झाले आहे. या चित्रपटाला बॉक्स ऑफिसवर चांगला प्रतिसाद मिळताना दिसत आहे. 'शैतान'नं रिलीजपूर्वी बॉक्स ऑफिसवर जबरदस्त कमाई केली आहे. हा सुपरनॅचरल थ्रिलर चित्रपट असणार आहे. आर माधवन या चित्रपटामध्ये खलनायकाच्या भूमिकेत दिसत असून अजय हा आपल्या कुटुंबाचं रक्षण करताना दिसेल.
- " class="align-text-top noRightClick twitterSection" data="">
'शैतान' ॲडव्हान्स बुकिंग कलेक्शन : 'शैतान'चे ॲडव्हान्स बुकिंग दोन दिवसांपूर्वी सुरू झाले असून सॅकनिल्कच्या रिपोर्टनुसार आतापर्यत या चित्रपटाची 46966 तिकिटे विकली गेली आहे. या चित्रपटानं आता जवळपास 1.12 कोटीची कमाई बॉक्स ऑफिसवर केली आहे. रिलीजची तारीख जसजशी जवळ येईल तसतसा हा आकडा नक्कीच वाढेल. हा चित्रपट 8 मार्च 2024 रोजी थिएटरमध्ये प्रदर्शित होईल. 'शैतान' बॉक्स ऑफिसवर जबरदस्त कमाई करेल असा अंदाज आता वर्तवला जात आहे. 'शैतान' चित्रपट 60 कोटी ते 65 कोटी रुपयांच्या बजेटमध्ये बनलेला आहे. 'शैतान'चा ट्रेलर हा खूप थरारक होता, त्यामुळे या चित्रपटाकडून चाहत्यांना खूप अपेक्षा आहेत.
'शैतान' चित्रपटाबद्दल : विकास बहल दिग्दर्शित 'शैतान'ची निर्मिती अजय देवगण, ज्योती देशपांडे, कुमार मंगत पाठक आणि अभिषेक पाठक यांनी केली आहेत. याशिवाय यावर्षी अजयचे आणखी 5 मोठे चित्रपट रुपेरी पडद्यावर प्रदर्शित होणार आहेत. ज्यामध्ये 'शैतान', 'औरों में कहाँ दम था' ,मैदान', 'सिंघम अगेन' आणि 'रेड 2' या चित्रपटाचा समावेश आहे. बघितलं तर अजय देवगण या वर्षभर चित्रपटगृहांवर अधिराज्य गाजवणार आहे. अजय देवगणच्या या चित्रपटांची चाहते आतुरतेने वाट पाहत आहेत. दुसरीकडे आर माधवनकडे 'टेस्ट', 'अधिष्ठासली' आणि 'जीडी नायडू बायोपिक' देखील पाइपलाइनमध्ये आहेत.
हेही वाचा :
