Uttarkashi Sahastra Tal Trek Accident : सहस्त्रतालच्या ट्रेकसाठी गेलेल्या बावीस सदस्यीय ट्रेकिंग ग्रुपमधील 8 जणांचा खराब हवामानामुळं मृत्यू झाल्याची माहिती समोर आलीय. उर्वरित 14 ट्रेकिंग मेंबर्स अडकल्याची माहिती समोर आली होती. या घटनेची माहिती प्रशासनाला मिळताच त्यांनी बुधवारी सकाळी एक पथक रवाना करून अडकलेल्या ट्रेकर्सला वाचवलं.
हवाई दलाकडुन बचाव कार्य सुरू : अडकलेल्या ट्रेकर्स आणि मृतदेहांची सुटका करण्यासाठी जिल्हा दंडाधिकाऱ्यांनी हवाई दलाच्या माध्यमातून हेली रेस्क्यू ऑपरेशन राबविण्याची विनंती केली होती. बेपत्ता ट्रेकर्सच्या शोधासाठी हवाई दलानं आजपासून बचावकार्य सुरू केलं. जिल्हा प्रशासनाच्या विनंतीवरून हवाई दलाची दोन चेतक हेलिकॉप्टर तैनात करण्यात आली आहेत. यासोबतच जिल्हाधिकाऱ्यांनी राज्याचे आपत्ती व्यवस्थापन सचिव रणजित सिन्हा यांच्यासह अन्य वरिष्ठ अधिकाऱ्यांनाही या घटनेची माहिती दिलीय.
आठ जणांचा मृत्यू : समोर आलेल्या माहितीनुसार, कर्नाटकातील 18 सदस्य आणि महाराष्ट्रातील 1 आणि 3 स्थानिक ट्रेकर्सचा समावेश आहे. हे सर्व सहस्त्रताल या ठिकाणी ट्रेकसाठी निघाले होते. सर्व ट्रेकर्स 7 जूनपर्यंत परत येणार होते. ट्रेकिंग दरम्यान अचानक खराब हवामानामुळं, दाट धुकं आणि बर्फवृष्टीमध्ये टीम अडकली. तेथे योग्य व्यवस्था नसल्यानं ट्रॅकर्संना संपूर्ण रात्र थंडीत काढावी लागली. थंडीमुळे 8 ट्रेकर्सचा मृत्यू झाला. टीमला ट्रॅकवर घेऊन जाणाऱ्या ट्रॅकिंग एजन्सीच्या मालकानं त्याच्या संस्थेच्या अधिकाऱ्याला ट्रॅकर्सच्या मृत्यूची माहिती दिलीय.
ट्रेकर एजन्सीचे लोक काय म्हणाले : ट्रेकर एजन्सीचे भागवत सेमवाल यांनी सांगितलं की, ''सुमारे 14,000 फूट उंचीवर असलेल्या सहस्त्रतालला जाण्यासाठी भटवाडी ब्लॉकमधील सोरा गावातून 45 किमीचे अंतर पायी जावे लागते. यासोबतच या दिवसांत या ट्रेकसाठी हवामान अनुकूल आहे. पण जेव्हा आपण उंचीवर पोहोचतो तेव्हा जोरदार वाऱ्यासोबत धुकं पसरतं. त्यामुळं ट्रेकर्स रस्ता चुकतात. या कारणामुळं या ट्रेकर टीममधील सदस्यांचीही वाट चुकली असावी.''
6 ट्रेकर्सची सुटका : सहस्त्रतालमध्ये अडकलेल्या 6 ट्रेकर्सची सुटका करण्यात आलीय. यामध्ये सौम्या पत्नी विवेक (वय 37), विनय मुलगा कृष्णमूर्ती (वय 47), शिव ज्योती, सुधाकर बीएस नायडू (वय 64), गुरुराज यांची पत्नी सुमृती (वय 40), सीना (वय 48) यांचा समावेश आहे. सर्व लोक कर्नाटकचे रहिवासी आहेत.
बचाव कार्य सुरू : उत्तरकाशी जिल्ह्याचे डीएम डॉ. मेहरबान सिंह बिश्त यांनी सांगितलं की, ''सहस्त्रतालच्या ट्रेकिंग मार्गावर अडकलेल्या ट्रेकर्सना वाचवण्यासाठी एसडीआरएफ आणि वन विभागाचे बचाव पथक वेगवेगळ्या दिशांनी घटनास्थळी पोहोचले आहे. वनविभागाच्या दहा सदस्यांचे रेस्क्यू आणि बचाव पथक सिल्ला गावाच्या पलीकडे गेले आहे. उत्तरकाशी येथील जिल्हा मुख्यालयातील एसडीएफ टीम बुधवार (5 जून) रोजी पहाटे टिहरी जिल्ह्यातील बुधाकेदार येथे बचाव कार्य सुरू करण्यासाठी रवाना झालीय.''
हेही वाचा
