തൃശൂരിലെ വിജയം വോട്ടർമാരുടെ മനോഭാവത്തിലുണ്ടായ മാറ്റത്തിൻ്റെ സൂചന: സുരേഷ് ഗോപി - Suresh Gopi about his victory

തൃശൂരിലെ വിജയം കേരളത്തിലെ വോട്ടർമാരുടെ മനോഭാവത്തിലുണ്ടായ മാറ്റത്തിൻ്റെ സൂചനയാണെന്ന് കേന്ദ്ര സഹമന്ത്രി സുരേഷ് ഗോപി കൊച്ചിയിൽ പറഞ്ഞു.

എറണാകുളം : തൃശൂരിലെ വിജയം കേരളത്തിലെ വോട്ടർമാരുടെ മനോഭാവത്തിലുണ്ടായ മാറ്റത്തിൻ്റെ സൂചനയെന്ന് കേന്ദ്ര സഹമന്ത്രി സുരേഷ് ഗോപി. വരുന്ന തദ്ദേശ സ്വയംഭരണ തെരെഞ്ഞെടുപ്പിലും നിയമസഭ തെരെഞ്ഞെടുപ്പിലും കേരളത്തിൽ ബിജെപിക്ക് വലിയ വിജയം നേടാൻ കഴിയുമെന്നും അദ്ദേഹം പറഞ്ഞു. കൊച്ചിയിൽ ബിജെപി സംസ്ഥാന നേതൃയോഗത്തിൽ സംസാരിക്കുകയായിരുന്നു അദ്ദേഹം.

തൃശൂരിൽ അത്ഭുതം കാഴ്‌ചവയ്‌ക്കാൻ കഴിഞ്ഞു. ഇത് കഠിനാധ്വാനത്തിൻ്റെ ഫലം മാത്രമാണ്. കേരളത്തിലെ വോട്ടർമാരുടെ മാനസികമായ മാറ്റത്തെയാണ് പ്രാധാന്യത്തോടെ കാണുന്നത്. തൃശൂരിലെ പ്രവർത്തകർക്ക് ആദരവ് നൽകണമെന്നാണ് ആഗ്രഹിക്കുന്നത്.