കോഴിക്കോട് : കൂടരഞ്ഞിയിൽ തെരുവുനായയുടെ ആക്രമണം (stray dog attack). സ്‌കൂൾ വിദ്യാർഥികൾ ഉൾപ്പടെ എട്ട് പേർക്കാണ് നായയുടെ കടിയേറ്റത്. ഇന്ന് (ഫെബ്രുവരി 27) പുലർച്ചെ പള്ളിയിൽ പോയവരുടെ നേരെയാണ് ആദ്യം ആക്രമണം ഉണ്ടായത്.
ആളുകൾ പള്ളിയിലേക്ക് നടന്നുപോകുന്ന സമയത്ത് നായ കുതിച്ചെത്തി കടിക്കുകയായിരുന്നു. നായയുടെ ആക്രമണത്തിൽ മിക്കവർക്കും കൈകൾക്കും കാലിനുമാണ് പരിക്കേറ്റത്. ആക്രമണകാരിയായ നായ കൂടരഞ്ഞിയിൽ അലഞ്ഞുനടക്കുകയാണ്. നാട്ടുകാരുടെ നേതൃത്വത്തിൽ നായയ്ക്കാ‌യി തെരച്ചിൽ നടത്തുന്നുണ്ട്.
Also read: തെരുവ് നായ്ക്കളുടെ ആക്രമണത്തിൽ വൃദ്ധ മരിച്ചു
