തൃശൂരില്‍ കരയ്‌ക്കടിഞ്ഞ തിമിംഗലം (ETV Bharat)
തൃശൂർ: മന്നലാംകുന്ന് കടൽത്തീരത്ത് ചെറിയ തിമിംഗലത്തെ ചത്ത നിലയിൽ കണ്ടെത്തി. ഫിലിം പൈലറ്റ് ഇനത്തിൽപ്പെട്ട ചെറിയ തിമിംഗലമാണ് കരയ്‌ക്ക് അടിഞ്ഞിട്ടുള്ളത്. ജഡത്തിന് ഒരു ദിവസം പഴക്കമുണ്ട്. ഇന്ന് (ഓഗസ്റ്റ് 19) പുലര്‍ച്ചെ നടക്കാൻ ഇറങ്ങിയവരാണ് ആദ്യം തിമിംഗലത്തെ കണ്ടത്.
മൂന്ന് അടി നീളമുള്ള ചെറിയ തിമിംഗലം മത്സ്യബന്ധന ഉപകരണത്തിൽ തട്ടിയോ കുടുങ്ങിയോ ചത്തതാവാം എന്നാണ് കരുതുന്നത്. ശക്തമായ തിരയിൽ അങ്ങോട്ടുമിങ്ങോട്ടും ഒഴുകിക്കൊണ്ടിരിക്കുന്ന അവസ്ഥയിലായിരുന്നു തിമിംഗലം. തിമിംഗലം കരയ്‌ക്ക് അടിഞ്ഞ വിവരം അറിഞ്ഞ് നിരവധി പേരാണ് കടല്‍ത്തീരത്തെത്തിയത്.
