യാത്ര ചെയ്യാൻ ഇഷ്‌ടപ്പെടുന്നവരാണ് നമ്മളെല്ലാവരും. എന്നാൽ യാത്ര ചെലവിനെ കുറിച്ചോർക്കുമ്പോൾ ആഗ്രഹിച്ച യാത്ര പലപ്പോഴും നീണ്ടുപോകാറുണ്ട്. എന്നാൽ കുറഞ്ഞ ചെലവിൽ ചുറ്റിക്കറങ്ങാൻ അവസരമൊരുക്കുകയാണ് ഇന്ത്യൻ റെയിൽവേ. ഹിമാചൽ പ്രാദേശിലേക്കും പഞ്ചാബിലേക്കുമാണ് ഐആർസിടിസി ടൂർ വാഗ്‌ദാനം ചെയ്യുന്നത്. ഈ യാത്രയെ കുറിച്ചുള്ള വിവരങ്ങൾ എന്തൊക്കെയെന്ന് അറിയാം.
"ഹാപ്പി ഹിമാചൽ ആൻഡ് പോപ്പുലർ പഞ്ചാബ്" എന്ന പേരിലാണ് ഐആർസിടിസി ടൂർ പാക്കേജ് ഒരുക്കിയിരിക്കുന്നത്. ഒക്ടോബർ 16 ന് ആരംഭിക്കുന്ന ട്രിപ്പിന്‍റെ ദൈർഘ്യം 7 രാത്രിയും 8 പകലുമാണ്. ഹൈദരാബാദിൽ നിന്നാണ് യാത്ര ആരംഭിക്കുന്നത്. അമൃത്സർ, ചണ്ഡീഗഡ്, ഡൽഹൗസി, ധർമ്മശാല, ഷിംല എന്നീ സ്ഥലങ്ങൾ പാക്കേജിൽ ഉൾപ്പെടുന്നവയാണ്. കൂടുതൽ വിവരങ്ങൾ താഴെ കൊടുത്തിരിക്കുന്നു.
യാത്രാ വിവരങ്ങൾ
ആദ്യ ദിനം: രാവിലെ ഹൈദരാബാദിൽ നിന്ന് ഫ്ലൈറ്റ് വഴിയാണ് യാത്ര ആരംഭിക്കുന്നത് ഉച്ചയോടെ പഞ്ചാബിലെ അമൃത്സറിലെത്തും. അവിടെ നിന്ന് നേരെ ഹോട്ടലിലേക്ക് പോകും. ഉച്ചഭക്ഷണത്തിന് ശേഷം സ്ഥലങ്ങൾ സന്ദർശിക്കാൻ ഇറങ്ങും. ആദ്യം അട്ടാരി-വാഘ അതിർത്തി സന്ദർശിക്കും. പിന്നീട് സ്വർണ്ണ ക്ഷേത്രത്തിലേക്ക് പോകും. അമൃത്സറിലാണ് താമസം.
രണ്ടാം ദിനം: പ്രഭാതഭക്ഷണത്തിന് ശേഷം ഡോൾഹൗസിലേക്ക് പുറപ്പെടും. ശേഷം മാൾ റോഡ് സന്ദർശിക്കും. അത്താഴവും രാത്രി താമസവും ഡോൾഹൗസിലായിരിക്കും.
മൂന്നാം ദിനം: മൂന്നാം ദിവസം ഖജ്ജിയാർ, ധർമ്മശാല എന്നിവിടങ്ങളാണ് പാക്കേജിൽ ഉൾപ്പെടുത്തിയിരിക്കുന്നത്. ധർമ്മശാലയിലെ ഹോട്ടലിലാണ് താമസം ഒരുക്കിയിരിക്കുന്നത്.
നാലാം ദിനം: പ്രഭാതഭക്ഷണത്തിന് ശേഷം മക്ലിയോഡ് ഗഞ്ചിലേക്ക് പുറപ്പെടും. ശേഷം ധർമ്മശാലയിലെ മറ്റ് പ്രധാന സ്ഥലങ്ങൾ കൂടി സന്ദർശിക്കും. അന്ന് രാത്രിയും ധർമ്മശാലയി തന്നെയാണ് താമസം.
അഞ്ചാം ദിനം: പ്രഭാതഭക്ഷണത്തിന് ശേഷം ഷിംലയിലേക്ക് തിരിക്കും. ഇടയ്ക്ക് വച്ച് ഒരു അഗ്നിപർവ്വതം കാണാനിറങ്ങും. രാത്രിയോടെ ഷിംലയിൽ എത്തിച്ചേരും.
ആറാം ദിനം: രാവിലെ കുഫ്രിയിലേക്ക് പുറപ്പെടും. ഇവിടെ നിരവധി ഇടങ്ങൾ ചുറ്റികാണാനുണ്ട്. ശേഷം ഷിംലയിലേക്ക് തന്നെ മടങ്ങും. വൈകുന്നേരം മാൾ റോഡ് സന്ദർശിക്കും. അന്നത്തെ താമസവും ഷിംലയിൽ തന്നെയാണ് ഒരുക്കിയിരിക്കുന്നത്.
ഏഴാം ദിനം: ഷിംലയിൽ നിന്ന് ചണ്ഡിഗഢിലേക്ക് യാത്ര തിരിക്കും. വൈകുന്നേരത്തോടെ ലെഷർ വാലി സന്ദർശിക്കും. അന്ന് രാത്രി അവിടെ തങ്ങും.
എട്ടാം ദിനം: റോക്ക് ഗാർഡൻ, സുകാന തടാകം എന്നിവിടങ്ങൾ സന്ദർശിക്കും. ശേഷം ചണ്ഡീഗഡ് എയർപോർട്ടിൽ നിന്നും ഹൈദരാബാദിലേക്ക് തിരിക്കും. ഹൈദരാബാദിലെ ഭാഗ്യനഗറിൽ വച്ച് പര്യടനം അവസാനിക്കും.
താരിഫ് വിശദാംശങ്ങൾ
- ഒരാൾക്ക് ₹60,200
- രണ്ടുപേർക്ക് ₹45,000
- മൂന്ന് പേർക്ക് ₹42,300
- 5 മുതൽ 11 വയസുവരെയുള്ള കുട്ടികൾക്ക് ₹ 35,500
- 2 മുതൽ 4 വയസുവരെയുള്ള കുട്ടികൾക്ക് ₹23,850.
പാക്കേജിൽ ഉൾപ്പെടുന്നവ
- ഫ്ലൈറ്റ് ടിക്കറ്റുകൾ (ഹൈദരാബാദ് - അമൃത്സർ/ ചണ്ഡീഗഡ് - ഹൈദരാബാദ്)
- താമസ സൗകര്യം
- 7 ദിവസത്തേ പ്രഭാതഭക്ഷണം, അത്താഴം, ഒരു ദിവസത്തേ ഉച്ചഭക്ഷണം.
- പ്രാദേശിക ഗതാഗതം സൗകര്യം
- യാത്രാ ഇൻഷുറൻസ്
ഈ പാക്കേജിൻ്റെ പൂർണ്ണ വിവരങ്ങൾക്കും ബുക്കിംഗിനുമായി ഈ ലിങ്കിൽ ക്ലിക്ക് ചെയ്യുക https://www.irctctourism.com/pacakage_description?packageCode=SHA13
