വാഷിങ്ടണ്‍: എംഎച്ച് 60ആര്‍ മള്‍ട്ടിമിഷന്‍ ഹെലികോപ്‌ടറുകളും അനുബന്ധ ഉപകരണങ്ങളും ഇന്ത്യയ്ക്ക് വില്‍ക്കാനുള്ള അമേരിക്കന്‍ കോണ്‍ഗ്രസിന്‍റെ തീരുമാനം പ്രസിഡന്‍റ് ജോ ബൈഡന്‍ അംഗീകരിച്ച് വിജ്ഞാപനമിറക്കി. 117 കോടി അമേരിക്കന്‍ ഡോളറിന്‍റെ ഇടപാടാണിത്. നിലവിലെയും ഭാവിയിലെയും ഭീഷണികള്‍ നേരിടാന്‍ ഇന്ത്യയ്ക്ക് ഈ നിര്‍ദ്ദിഷ്‌ട വില്‍പ്പന സഹായകമാകുമെന്ന് പ്രതിരോധ സുരക്ഷ സഹകരണ ഏജന്‍സി പറഞ്ഞു. മുങ്ങിക്കപ്പല്‍ യുദ്ധശേഷി നവീകരിക്കാനും ഇതിലൂടെ സാധിക്കും.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
ബൈഡന്‍ ഭരണകൂടത്തിന്‍റെ കാലാവധി തീരാന്‍ ആഴ്‌ചകള്‍ മാത്രം അവശേഷിക്കെയാണ് ഈ തീരുമാനമെന്നതും ശ്രദ്ധേയമാണ്. രാജ്യത്തിന്‍റെ 47മത് പ്രസിഡന്‍റായി ഡൊണാള്‍ഡ് ട്രംപ് അടുത്തമാസം 20ന് സത്യപ്രതിജ്ഞ ചെയ്‌ത് ചുമതലയേല്‍ക്കും.
മുപ്പത് മള്‍ട്ടി ഫഗ്ഷണല്‍ ഇന്‍ഫര്‍മേഷന്‍ ഡിസ്ട്രിബ്യൂഷന്‍ സിസ്റ്റം-ജോയിന്‍റ് ടാക്‌ടിക്കല്‍ റേഡിയോ സിസ്റ്റംസ് (എംഐഡിഎസ്-ജെടിആര്‍എസ്) ആണ് ഇന്ത്യ ആവശ്യപ്പെട്ടിരുന്നത്. അത്യാധുനിക വിവര കൈമാറ്റ സംവിധാനങ്ങളും ബാഹ്യ ഇന്ധന ടാങ്കുകളുമാണ് ഇതിന്‍റെ പ്രത്യേകത.
20 അമേരിക്കന്‍ ഉദ്യോഗസ്ഥരോ 26 കരാര്‍ പ്രതിനിധികളോ താത്ക്കാലികമായി ഇന്ത്യയിലെത്തി ആവശ്യമായ സാങ്കേതിക സഹായങ്ങള്‍ നല്‍കും.
