ഉണ്ണി മുകുന്ദനെ നായകനാക്കി രഞ്ജിത്ത് ശങ്കർ തിരക്കഥയെഴുതി സംവിധാനം ചെയ്യുന്ന 'ജയ് ഗണേഷ്' എന്ന ചിത്രത്തിന്‍റെ ടീസർ റിലീസ് ചെയ്‌തു. മഹിമ നമ്പ്യാർ നായികയാകുന്ന ചിത്രത്തിന്‍റെ ഏറെ കൗതുകമുണർത്തുന്ന ടീസറാണ് അണിയറ പ്രവർത്തകർ പുറത്തുവിട്ടത് (Jai Ganesh movie's teaser out). ഏപ്രിൽ 11ന് 'ജയ് ഗണേഷ്' തിയേറ്ററുകളിലൂടെ പ്രേക്ഷകർക്കരികിൽ എത്തും.
- " class="align-text-top noRightClick twitterSection" data="">
മലയാളികളുടെ പ്രിയ താരം ജോമോളും ഈ ചിത്രത്തിൽ പ്രധാന വേഷത്തിലുണ്ട്. ഒരിടവേളയ്‌ക്ക് ശേഷം ജോമോൾ വീണ്ടും ബിഗ് സ്‌ക്രീനിലേക്ക് മടങ്ങിയെത്തുന്നതിൽ പ്രേക്ഷകരും ഏറെ ആവേശത്തിലാണ്. അടുത്തിടെ ജിയോ ബേബി ചിത്രം 'കാതലി'ൽ ജ്യോതികയ്‌ക്ക് ശബ്‌ദം നൽകി ജോമോൾ കൈയ്യടി നേടിയിരുന്നു.
അതേസമയം ഹരീഷ് പേരടി, അശോകൻ, രവീന്ദ്ര വിജയ്, നന്ദു തുടങ്ങിയവരാണ് 'ജയ് ഗണേഷ്' സിനിമയിൽ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഡ്രീംസ് ആൻഡ് ബിയോണ്ട്, ഉണ്ണിമുകുന്ദൻ ഫിലിംസ് എന്നീ ബാനറിൽ രഞ്ജിത്ത് ശങ്കർ, ഉണ്ണിമുകുന്ദൻ എന്നിവർ ചേർന്നാണ് 'ജയ് ഗണേഷി'ന്‍റെ നിർമാണം.
ചന്ദ്രു ശെൽവരാജ് ആണ് ഈ ചിത്രത്തിന്‍റെ ഛായാഗ്രാഹകൻ. എഡിറ്റിങ് സംഗീത് പ്രതാപും നിർവഹിക്കുന്നു. ബി കെ ഹരിനാരായണൻ, മനു മഞ്ജിത്ത്, വാണി മോഹൻ, രഞ്ജിത്ത് ശങ്കർ എന്നിവർ എഴുതിയ വരികൾക്ക് സംഗീതം പകരുന്നത് ശങ്കർ ശർമ്മയാണ്.
നവംബര്‍ 11ന് ആയിരുന്നു ഈ സിനിമയുടെ ചിത്രീകരണം ആരംഭിച്ചത്. എറണാകുളത്തും പരിസര പ്രദേശങ്ങളിലുമായാണ് പ്രധാനമായും ഷൂട്ടിങ് നടന്നത്. നേരത്തെ പുറത്തിറങ്ങിയ 'ജയ് ഗണേഷി'ന്‍റെ ഫസ്‌റ്റ് ലുക്ക് പോസ്‌റ്റര്‍ ശ്രദ്ധനേടിയിരുന്നു (Jai Ganesh First Look Poster). വീല്‍ ചെയറില്‍ ഇരിക്കുന്ന ഉണ്ണി മുകുന്ദന്‍ ആയിരുന്നു പോസ്റ്ററിൽ.
സൗണ്ട് ഡിസൈൻ - തപസ് നായ്‌ക്, പ്രൊഡക്ഷൻ കൺട്രോളർ - സജീവ് ചന്തിരൂർ, പ്രൊഡക്ഷൻ ഡിസൈനർ - സൂരജ് കുറവിലങ്ങാട്, മേക്കപ്പ് - റോണക്‌സ് സേവ്യർ, കോസ്റ്റ്യൂംസ് - വിപിൻ ദാസ്, സ്റ്റിൽസ് - നവീൻ മുരളി, ഡിസൈൻസ് - ആന്‍റണി സ്റ്റീഫൻ, അസോസിയേറ്റ് ഡയറക്‌ടർ - അനൂപ് മോഹൻ എസ്, ഡിഐ - ലിജു പ്രഭാകർ, വിഎഫ്എക്‌സ് -ഡിടിഎം, പ്രൊഡക്ഷൻ എക്‌സിക്യൂട്ടീവ് - സഫി ആയൂർ, പ്രൊമോഷൻ കൺസൽട്ടന്‍റ് -വിപിൻ കുമാർ, ടെൻ ജി മീഡിയ, പി ആർ ഒ - എ എസ് ദിനേശ് എന്നിവരാണ് ഈ ചിത്രത്തിന്‍റെ മറ്റ് അണിയറ പ്രവർത്തകർ.
ALSO READ: ഉണ്ണി മുകുന്ദന്‍റെ ജയ് ഗണേഷ് റിലീസ് തീയതി പുറത്ത്
