തെലുഗു സൂപ്പർതാരം നാഗാർജുനയുടെയും അമല അക്കിനേനിയുടെയും മകനും നടനുമായ അഖിൽ അക്കിനേനി വിവാഹിതനാവുന്നു. മുപ്പതുകാരനായ അഖിൽ അക്കിനേനി സഹനടിയുമായി പ്രണയത്തിലാണെന്നും വിവാഹ ജീവിതത്തിലേക്ക് കടക്കാനൊരുങ്ങുകയാണ്. അഖിലിന്റെ കാമുകിയെ തങ്ങളുടെ കുടുംബത്തിലേക്ക് സ്വാഗതം ചെയ്‌തുകൊണ്ട് നാഗാര്‍ജുന തന്നെയാണ് വിവാഹ കാര്യം ആരാധകരെ അറിയിച്ചത്.
ഞങ്ങളുടെ മകന്‍ അഖിന്‍ അക്കിനേനിയും മരുമകള്‍ സൈനബ റാവ്ദ്‌ജീയുമാണ്. അവളെ ഞങ്ങളുടെ കുടുംബത്തിലേക്ക് സ്വാഗതം ചെയ്യാതെ സന്തോഷിക്കാനാവില്ല. അവരെ അഭിനന്ദിക്കുന്നു. സ്നേഹവും സന്തോഷവും അനുഗ്രഹവും ജീവിതകാലം മുഴുവന്‍ ഉണ്ടാകട്ടെയെന്ന് ആശംസിക്കുന്നു. ചിത്രങ്ങള്‍ പങ്കുവച്ചുകൊണ്ട് നാഗാര്‍ജുന കുറിച്ചു.
ചിത്രങ്ങള്‍ സമൂഹമാധ്യമങ്ങളിലൂടെ പങ്കുവച്ചതോടെ നിരവധി ആരാധകരും സിനിമാ താരങ്ങളും ആശംസയുമായി എത്തിയിരിക്കുകയാണ്.
We are thrilled to announce the engagement of our son, @AkhilAkkineni8, to our daughter in law to be Zainab Ravdjee!
— Nagarjuna Akkineni (@iamnagarjuna) November 26, 2024
We couldn't be happier to welcome Zainab into our family. Please join us to congratulate the young couple and wish them a lifetime filled with love, joy, and… pic.twitter.com/5KM7BU00bz
അഖില്‍ അക്കിനേനിയും പ്രണയിനിക്കൊപ്പമുള്ള ചിത്രങ്ങള്‍ സമൂഹമാധ്യമങ്ങളിലൂടെ പങ്കുവച്ചിട്ടുണ്ട്. സൈനബുമായി താൻ പ്രണയത്തിലാണെന്നും വിവാഹനിശ്ചയം കഴിഞ്ഞുവെന്നുമാണ് ഇൻസ്റ്റഗ്രാം പോസ്റ്റിൽ അഖിൽ വ്യക്തമാക്കുന്നത്.
അഖിലും സൈനബയുടെയും വിവാഹം എപ്പോഴാണ് എന്ന കാര്യം വ്യക്തമാക്കിയിട്ടില്ല. പുതിയ അപ്‌ഡേറ്റുകള്‍ അറിയാനുള്ള ആകാംക്ഷയിലാണ് ആരാധകര്‍.
അതേസമയം 2016ൽ ശ്രിയ റെഡ്ഡിയുമായി അഖിലിന്റെ വിവാഹനിശ്ചയം കഴിഞ്ഞിരുന്നു. എന്നാൽ പിന്നീട് ഇരുവരും വിവാഹത്തിൽ നിന്നും പിന്മാറുകയായിരുന്നു.
അതേസമയം, അഖിലിന്റെ സഹോദരനും നടനുമായ നാഗ ചൈതന്യ- ശോഭിത ധൂലിപാല വിവാഹത്തിനൊരുങ്ങുകയാണ് നാഗാർജുനയും കുടുംബവും. ഡിസംബർ നാലിന് ഹൈദരാബാദിലെ അന്നപൂർണ സ്റ്റുഡിയോയിൽ വച്ചിട്ടാണ് ഇരുവരുടെയും വിവാഹം.
മുത്തച്ഛന്‍റെ പ്രതിമയ്ക്ക് മുന്നില്‍ വച്ച് വിവാഹം നടത്തുക എന്നതും അനുഗ്രഹം വാങ്ങുക എന്നതും കുടുംബം നേരത്തെ ആലോചിച്ച് തീരുമാനിച്ചതാണെന്ന് നാഗചൈതന്യ അടുത്തിടെ വ്യക്തമാക്കിയിരുന്നു.
Also Read: പല മലയാളം സീരിയലുകളും എന്‍ഡോസള്‍ഫാന്‍ പോലെ മാരകം; പ്രേംകുമാര്‍
