അമരാവതി: സംസ്ഥാന വഖഫ് ബോർഡ് പിരിച്ചുവിട്ട് ആന്ധ്രാപ്രദേശ് സർക്കാർ. നല്ല ഭരണം പ്രോത്സാഹിപ്പിക്കുന്നതിനും വഖഫ് സ്വത്തുക്കൾ സംരക്ഷിക്കുന്നതിനുമാണ് ബോർഡ് പിരിച്ചുവിട്ടത്. 11 അംഗ വഖഫ് ബോർഡിലേക്ക് മൂന്ന് അംഗങ്ങളെ തെരഞ്ഞെടുക്കുകയും ഏഴ് പേരെ നാമനിർദേശം ചെയ്‌ത 2023 ഒക്‌ടോബർ 21ന് പുറപ്പെടുവിച്ച സർക്കാർ ഉത്തരവ് സംസ്ഥാന സർക്കാർ റദ്ദാക്കി.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം
"നല്ല ഭരണം നിലനിർത്തുന്നതിനും വഖഫ് സ്വത്തുക്കൾ സംരക്ഷിക്കുന്നതിനും വഖഫ് ബോർഡിൻ്റെ സുഗമമായ പ്രവർത്തനം ഉറപ്പാക്കുന്നതിനുമായി 2023 ഒക്‌ടോബർ 21ന് പുറപ്പെടുവിച്ച സർക്കാർ ഉത്തരവ് ഇതിനകം പിൻവലിക്കുന്നു." എന്നാണ് പുതിയ ഉത്തരവിൽ പറയുന്നത്.
ബോർഡ് ദീർഘകാലമായി പ്രവർത്തിക്കുന്നില്ലെന്ന് ആന്ധ്രാപ്രദേശ് സ്റ്റേറ്റ് വഖഫ് ബോർഡ് ചീഫ് എക്‌സിക്യൂട്ടീവ് ഓഫിസർ സർക്കാരിനെ അറിയിച്ചിരുന്നു. കൂടാതെ ഉത്തരവിൻ്റെ നിയമസാധുത ചോദ്യം ചെയ്യുന്ന റിട്ട് ഹർജികളും ഉണ്ടായിരുന്നു. ഈ തീരുമാനത്തിലെത്തുന്നതിന് മുൻപ് സംസ്ഥാനം റിട്ട് ഹർജികളിൽ ഹൈക്കോടതി നടത്തിയ നിരീക്ഷണങ്ങളും പരിഗണിച്ചിരുന്നുവെന്ന് ഉത്തരവിൽ പറയുന്നു.
Also Read: ഉത്സവസീസൺ പെട്രോൾ, ഡീസൽ വിൽപന കൊഴുപ്പിച്ചു; ഉപഭോഗത്തിൽ വന്‍ വർധനവെന്ന കണക്കുകൾ പുറത്ത്
