മുസാഫർനഗർ: ഉത്തര്‍പ്രദേശില്‍ ബക്കറ്റിലെ വെള്ളത്തില്‍ വീണ കുഞ്ഞ് മരിച്ചു. മുസാഫര്‍ നഗര്‍ സ്വദേശികളുടെ മകള്‍ മറിയമാണ് (10 മാസം) മരിച്ചത്. വ്യാഴാഴ്‌ച (ജൂണ്‍ 6) രാവിലെയായിരുന്നു സംഭവം.
വീട്ടു ജോലിക്കാരി തറ തുടച്ചതിന് ശേഷം വെളളമുള്ള ബക്കറ്റ് വീട്ടിലെ മുറിക്കുള്ളില്‍ വച്ചിരുന്നു. വീടിനകത്ത് കളിച്ച് കൊണ്ടിരുന്ന കുഞ്ഞ് അബദ്ധത്തില്‍ അതിലേക്ക് വീണു. സംഭവം ശ്രദ്ധയില്‍പ്പെട്ട് മാതാപിതാക്കള്‍ കുഞ്ഞിനെ പുറത്തെടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
മുസാഫർനഗർ സിറ്റി കോട്വാലി ഏരിയയിലെ അംബ വിഹാറില്‍ ആണ് സംഭവം. വ്യാഴാഴ്‌ച വൈകുന്നേരത്തോടെ കുഞ്ഞിനെ സംസ്‌കരിച്ചു.
