Priyanka Gandhi visit to Goa : भाजपने ज्यांना वाऱ्यावर सोडले त्यांना आम्ही मदत केली;प्रियंका गांधींचा पलटवार

ज्या लोकांना तुम्ही वाऱ्यावर सोडले त्या लोकांना आम्ही मदत केली. या गोरगरिब लोकांना कुणीच मदत करू नये अशी तुमची इच्छा आहे का? असा घणाघाती पलटवार काँग्रेसच्या महासचिव प्रियांका गांधी यांनी पंतप्रधान नरेंद्र मोदी यांच्या लोकसभेतील भाषणावर केला आहे. (Congress General Secretary Priyanka Gandhi) प्रियांका गांधी यांनी पणजी शहरात घरोघरी भेट देऊन काँग्रेस उमेदवार एल्विस गोम्स यांचा प्रचार केला. त्या दरम्यान, आयोजीत रॅलीत त्या बोलत होत्या. ज्या लोकांना आपल्या घरी परतण्यासाठी कोणताही रस्ता नाही. काही जाण्यासाठी साधन नाही. (Priyanka Gandhi's campaign in Goa)  त्यांनी काय करायचे? असा प्रश्न करत त्यांना आम्ही मदत केली याचेच तुम्हाला खरे दु:ख आहे अशी खरमरीत टीकाही गांधी यांनी यावेळी केली आहे.