हैदराबाद : World Osteoporosis Day 2023 'जागतिक ऑस्टिओपोरोसिस दिवस' दरवर्षी 20 ऑक्टोबर रोजी साजरा केला जातो. हाडांचे फ्रॅक्चर टाळण्यासाठी आणि त्यांच्या उपचारांबद्दल लोकांमध्ये जागरूकता वाढवण्यासाठी हा दिवस साजरा केला जातो. युनायटेड किंगडमच्या नॅशनल ऑस्टिओपोरोसिस सोसायटीनं 20 ऑक्टोबर 1996 रोजी 'जागतिक ऑस्टिओपोरोसिस दिन' सुरू केला. इंटरनॅशनल ऑस्टियोपोरोसिस फाउंडेशनने 1997 पासून या दिवसाला पाठिंबा दिला आणि तेव्हापासून हा दिवस दरवर्षी जागतिक स्तरावर साजरा केला जातो. जागतिक आरोग्य संघटनेनं 1998 आणि 1999 मध्ये 20 ऑक्टोबर हा 'जागतिक ऑस्टिओपोरोसिस दिवस' म्हणून साजरा केला.
'जागतिक ऑस्टिओपोरोसिस दिवस' साजरा करण्याचे कारण काय आहे? ऑस्टियोपोरोसिस हा एक आजार आहे ज्यामध्ये हाडांची ताकद कमी होते. इंटरनॅशनल ऑस्टिओपोरोसिस फाउंडेशनच्या मते, ऑस्टियोपोरोसिस जगभरातील 200 दशलक्षाहून अधिक लोकांना प्रभावित करते. यामुळे ऑस्टिओपोरोसिस ही गंभीर आरोग्य समस्या मानली जाते. युनायटेड स्टेट्स आणि युरोपमधील 30% महिलांना ऑस्टिओपोरोसिस आहे.
ऑस्टियोपोरोसिसची समस्या काय आहे? ऑस्टियोपोरोसिस ही हाडांशी संबंधित समस्या आहे ज्यामध्ये हाडांमध्ये ताकद नसते. अगदी किंचित दुखापत किंवा टक्कर झाली तरी तुटते. ही समस्या विशेषतः वृद्धावस्थेत दिसून येते. कंबरेचे हाड, सभोवतालची हाडे आणि नितंबाचे हाड ऑस्टिओपोरोसिसमुळे सर्वाधिक प्रभावित होतात. हे टाळण्यासाठी व्यायामासोबतच सकस आणि संतुलित आहार घेणे अत्यंत आवश्यक आहे.
महिलांमध्ये असतो जास्त धोका : बहुतेक स्त्रियांना किमान एक हाड फ्रॅक्चर होण्याची शक्यता असते. एकदा फ्रॅक्चर झाले की, दुसरे फ्रॅक्चर होण्याची शक्यता वाढते. ऑस्टियोपोरोसिसमुळे होणाऱ्या सामान्य फ्रॅक्चरमध्ये कंबर फ्रॅक्चर, हिप फ्रॅक्चर आणि मनगट फ्रॅक्चर यांचा समावेश होतो. पुरुषांपेक्षा स्त्रियांना ऑस्टिओपोरोसिस होण्याची शक्यता जास्त असते.
ऑस्टियोपोरोसिसचा उपचार : ऑस्टियोपोरोसिसवर कोणताही इलाज नाही. एकदा हाड फ्रॅक्चर झाले की ते बरे होणे शक्य नसते. ऑस्टियोपोरोसिस टाळण्यासाठी कॅल्शियमयुक्त अन्न खावे पालेभाज्या, बदाम किंवा बदामाचे दूध इ. ऑस्टिओपोरोसिस टाळण्यासाठी व्हिटॅमिन डी घेणे देखील महत्त्वाचे आहे.
जागतिक आरोग्य संघटनेद्वारे काही उपक्रम केले जातात : जागतिक ऑस्टिओपोरोसिस दिनानिमित्त जागतिक आरोग्य संघटना विविध प्रकारचे कार्यक्रम आयोजित करतात. ज्यामध्ये रुग्णांना त्यांच्या हाडांची तपासणी करण्यासाठी प्रोत्साहित केले जाते.
हेही वाचा :
