यवतमाळ; १८ वर्षावरील नागरिकांच्या लसीकरणास सुरुवात

8 ते 45 वयोगटातील जवळपास 70 हजार नागरिकांना लस देण्यात आली असून एकूण पाच लाख 75 हजार नागरिकांचे लसीकरण आरोग्य विभागाने पूर्ण केले आहे.

यवतमाळ - जिल्ह्यात 21 जूनपासून 18 वर्ष वयोगटावरील सर्व नागरिकांना कोविडची लस देण्यास सुरुवात करण्यात आली आहे. जिल्ह्याला शनिवारी 44 हजार कोविशिल्ड व 11 हजार कोवॅक्सिन लस प्राप्त झाली आहेत. 117 लसीकरण केंद्रावरून या दोन्ही लस उपलब्धतेनुसार पहिल्या व दुसऱ्या दोन्ही डोज नागरिकांना देण्यात येणार आहे.

नागरिकांनी लसीकरणासाठी पुढे यावे आतापर्यंत जिल्ह्याला 5 लाख 10 हजार कोविशिल्ड व एक लाख 15 हजार कोवाक्सिन लस प्राप्त झाली आहे. 18 ते 45 वयोगटातील जवळपास 70 हजार नागरिकांना लस देण्यात आली असून एकूण पाच लाख 75 हजार नागरिकांचे लसीकरण आरोग्य विभागाने पूर्ण केले आहे. जिल्ह्यातील सर्व नागरिकांनी विशेषतः ग्रामीण भागातील नागरिकांनी लसीकरण करून घेणेसाठी स्वतःहून पुढे येणाचे आवाहन जिल्हाधिकारी अमोल येडगे यांनी केले आहे. गाव स्तरीय समितीने आपले गावात 18 वर्षे वरील सर्व नागरिकांचे लसीकरण पूर्ण करुण जिल्हा परिषदेच्या कवच कुंडल अभियानाअंतर्गत ग्राम पंचयतीला एक लाख रूपयाचे प्रोत्सहन पारितोषीक जिंकण्याची संधी उपलब्ध करुन दिली देण्यात आली आहे.