वाशिम - शेतात काम करताना उष्माघाताने शेतकऱ्याचा मृत्यू झाल्याची घटना रिसोड तालुक्यातील चाकोली येथे घडली. मृत शेतक-याचे नाव गोविंद सानप असे आहे.
रिसोड पोलीस स्टेशन अंतर्गत चाकोली येथील गोविंद सानप (वय ७०) मंगळवारी आपल्या शेतात काम करत होते. दुपारी २ वाजताच्या सुमारास उन्हाचा फटका बसून त्यांचा मृत्यू झाल्याची घटना घडली.
वाशिम जिल्ह्यात उन्हाने आधीच कहर केला असून रिसोड तालुक्यातील उष्माघाताचा हा वर्षातील पहिला बळी ठरला आहे. यामुळे इतर शेतक-यांमध्ये भीतीचे वातावरण निर्माण झाले आहे. मृतक गोविंद सानप यांची कौटुंबिक परिस्थिती अतिशय बिकट आहे. त्यांच्या मृत्यूने कुटुंबाचा आधार गमावल्यामुळे हळहळ व्यक्त होत आहे.
