वाशिम - जिल्हातील ग्रामीण पोलीस ठाण्यांतर्गत येणाऱ्या कोकलगाव येथे रविवारी मध्यरात्रीच्या सुमारास चोरी झाली. चोरट्यांनी घरात घुसून सोने आणि चांदीच्या दागिण्यांसह साडेतीन लाखांचा मुद्देमाल लंपास केला आहे.
घरफोडी
कोकलगाव येथील रविशंकर सीताराम काळबांडे आणि त्यांच्या कुटुंबातील 3 सदस्य घरातील एका खोलीत झोपलेले होते. चोरट्यांनी शिताफिने दुसऱ्या खोलीच्या दरवाजाची कडी तोडून घरात प्रवेश केला. या खोलीतून त्यांनी 1 लाख 20 हजार रुपये किमतीचे साडे तीन तोळे सोने, 2 लाख 19 हजार 500 रुपये रोख, घरासमोरील 25 हजार रुपये किमतीची दुचाकी आदी, असा एकुण 3 लाख 56 हजार रुपयांचा मुद्देमाल लंपास केला आहे. पोलिसांनी अज्ञात चोरट्यांविरुद्ध गुन्हा दाखल केला असून, पुढील तपास सुरू आहे.
