वाशिम - येथील कारागृहात 'मी वाशिमकर ग्रुप'च्यावतीने कैद्यांना राखी बांधून रक्षाबंधनाचा सण साजरा करण्यात आला. या उपक्रमात स्थानिक, वाशिमकर ग्रुपच्या महिला सदस्य आणि विद्यार्थिनीचाही सहभाग होता.
कैद्यांना राखी बांधून वाशिम कारागृहात अनोखे रक्षाबंधन; 'मी वाशिमकर ग्रुप'चा उपक्रम
अनेक वर्षांपासून शिक्षा भोगत असणारे बंदी या कारागृहात आहेत. कुणी खुनाच्या गुन्ह्यात तर कुणी चोरीच्या गुन्ह्यात येथे शिक्षा भोगत आहे. घरापासून आणि समाजापासून तुटलेल्या या कैद्यांना मानवतेचा दृष्टिकोन ठेवून 'मी वाशिमकर ग्रुप'ने बहिण आणि भाऊ मिळवून दिले. कित्येक वर्षांपासून घर न पाहणारे तुरुंगातील कैदी या अभिनव उपक्रमाने भारावले आहेत.
