नंदुरबार - तळोदा शहरातील नागाई नगरात झालेल्या चोरीचा पोलिसांनी अवघ्या तीन तासात छडा लावला आहे. स्थानिक गुन्हे अन्वेषण शाखेने केलेल्या या कामगिरीत अवघ्या तीन तासात संशयित आरोपीला गजाआड केले आहे. चंद्रशेखर नथ्थू मेश्राम (रा. चिंचपाडा भिलाटी) असे अटक करण्यात आलेल्या आरोपीचे नाव आहे.
हेही वाचा... सहलीला गेलेल्या विद्यार्थ्यांच्या बसला पुण्याजवळ अपघात; 16 जखमी
नंदुरबार शहरातील नागाई नगरातील रहिवासी दिपक दानूमल हिंदुजा हे आपल्या कुटुंबीयांसह घरात झोपले असताना, घराच्या मागे असलेल्या लोखंडी दरवाज्यातून चोरट्यांनी घरात प्रवेश केला. यानंतर चोरट्यांनी घरातील 67 हजार रुपये किंमतीचे चार मोबाईल लंपास केले होते.
हेही वाचा... चंद्रपुरात आश्रम शाळेच्या अधीक्षकाची शाळेच्या आवारात आत्महत्या
नंदुरबार उपनगर पोलीस ठाण्यात याबाबत दिपक हिंदुजा यांच्या तक्रारीवरुन चोरीचा गुन्हा दाखल करण्यात आला होता. दरम्यान चोरी झाल्यानंतर अवघ्या तीन तासाच्या आत स्थानिक गुन्हे अन्वेषण विभागाने हा गुन्हा उघडकीस आणत संशयित आरोपीला अटक केले आहे. नंदुरबार येथील चिंचपाडा भिलाटीत राहणारा चंद्रशेखर नथ्थू मेश्राम यास स्थानिक गुन्हे अन्वेषण शाखेचे अटक केली.
हेही वाचा... एसटीमध्ये बसण्याच्या वाद, तरुणींच्या दोन गटात काठ्यांनी हाणामारी
