'दुकाने रात्री १० पर्यंत सुरू ठेवण्याची परवानगी द्या', 'मनसे'कडून आत्मदहनाचा इशारा

शहरातील दुकाने नियमित उघण्याची परवानगी दिली आहे. मात्र, वेळ वाढवण्यात यावी, अशी मागणी आम्ही मनपा आयुक्त डॉ. विजय राठोड यांच्याकडे केली आहे. प्रशासनाला १० दिवसाचा वेळ दिला आहे. अन्यथा व्यापारी वर्गाला घेऊन मनपा मुख्यालयात आत्मदहन करणार, असा इशारा मनसे कामगार आघाडीचे उपाध्यक्ष संदीप राणे यांनी दिला.

मीरा भाईंदर (ठाणे) - टाळेबंदीमध्ये शिथिलता आल्यानंतर शहरातील दुकाने उघडण्यास सकाळी ९ ते सायंकाळी ७ पर्यंत प्रशासनाने परवानगी दिली. मात्र, लॉजींग-बोर्डिंगसाठी पूर्ण वेळ मग सामान्य दुकानांवर वेळेचे बंधन का असा प्रश्न व्यापारी विचारत आहे. वेळेत बदल करून निदान रात्री १० पर्यंत परवानगी द्यावी. येणाऱ्या १० दिवसाची वेळ प्रशासनाला दिली आहे. वेळेत बदल न झाल्यास मनपा मुख्यालयात व्यापारी वर्गाला घेऊन आत्मदहन करणार असा इशारा मनसे कामगार आघाडीचे उपाध्यक्ष संदीप राणे यांनी दिली.

शहरातील दुकानांना मर्यादित वेळेत उघडण्यास प्रशासनाने परवानगी दिली आहे.मात्र शहरातील नया नगर, मंगल नगर, भारती पार्क, काशी मीरा परिसरात दुकाने मध्यरात्री पर्यंत खुली असतात. त्यामुळेच शहरातील सर्व भागात दुकाने उघडण्यास रात्री १० वाजेपर्यंत परवानगी द्यावी, अशी मागणी मनपा आयुक्त डॉ. विजय राठोड यांच्याकडे मनसेकडून करण्यात आली. सहा महिन्यांपासून टाळेबंदी लागू आहे. परंतु चार महिने कडक टाळेबंदीमुळे अनेक व्यापारी वर्गाला आर्थिक परिस्थिती सामोरे जावे लागत आहे. तसेच अनेक व्यापाऱ्यांच्या मालाचे देखील नुकसान झाले आहे. दुकाने उघडली, मात्र ग्राहकांची वर्दळ दिसून येत नाही, हवा तसा नफा होत नाही. त्यात प्रशासनांनी घातलेले वेळेचे निर्बंध त्यामुळे व्यापारी वर्गात असंतोष निर्माण झाला आहे.

शहरातील दुकाने नियमित उघण्याची परवानगी दिली आहे. मात्र, वेळ वाढवण्यात यावी, अशी मागणी आम्ही मनपा आयुक्त डॉ. विजय राठोड यांच्याकडे केली आहे. प्रशासनाला १० दिवसाचा वेळ दिला आहे. अन्यथा व्यापारी वर्गाला घेऊन मनपा मुख्यालयात आत्मदहन करणार, असा इशारा मनसे कामगार आघाडीचे उपाध्यक्ष संदीप राणे यांनी दिला.