ठाणे : जागतिक महिला दिनाच्या निमीत्ताने महाराष्ट्र राज्य ग्रामीण जीवनोन्नती अभियानांतर्गत (उमेद) महिलांची एकदिवसीय कार्यशाळा आयोजित करण्यात आली होती. ठाणे जिल्हास्तरीय सरस प्रदर्शन विक्री उद्घाटन सोहळा शहापूर तालुक्यातील आसनगाव भागात असलेल्या जोंधळे महाविद्यालयाच्या मैदानात आयोजित करण्यात आला होता. या वेळी केंद्रीय ग्रामविकास मंत्री गिरिराज सिंह यांच्या हस्ते महिला बचत गटाच्या विविध योजनेचे उदघाटन करण्यात आल्यानंतर केंद्रीय मंत्र्यांचे भाषण संपल्यावर अचानक कार्यक्रमास्थळाचा भव्य मंडप कोसळल्याने अनेक महीला जखमी झाल्या आहेत. तर, या घटनेमुळे दिवसभर असलेला कार्यक्रम अर्ध्यावरच गुंडाळावा लागला आहे.
जखमी महिलांना उपचारासाठी केले दाखल : जागतिक महिला दिनाच्या औचित्य साधून ठाणे जिल्हा परिषद ठाणे यांच्या वतीने स्वयंसहाय्यता गटातील महिलांचे एक दिवसीय कार्यशाळेचे आयोजन शहापूर येथे करण्यात आले होते. या कार्यक्रमासाठी विशेष अतिथी केंद्रीय ग्रामविकास मंत्री व पंचायत राज मंत्री गिरीराज सिंह, भिवंडी खासदार तथा केंद्रीय पंचायतराज मंत्री कपिल पाटील हे उपस्थित होते. मान्यावरांचे भाषण संपल्यावर महीलाच्या कार्य शाळेचा कार्यक्रम सुरू असताना आज दुपारच्या सुमारास अचानक मंडपसह कमानी कोसळल्याने अनेक महीला जखमी झाले असून त्यांना शहापूरच्या उपजिल्हा रूग्णालयात दाखल करण्यात आले आहे.
महीलेने उपस्थित केला सिलेंडरचा मुद्दा : जागतिक महिला दिनाचे औचित्य साधून ठाणे जिल्हा परिषद ठाणे यांच्या वतीने स्वयंसहाय्यता गटातील महिलांचे आज सकाळी दहा ते सायंकाळी पाच वाजेपर्यत एक दिवसीय कार्यशाळेचे आयोजन शहापूर मधील जोंधळे महाविद्यालयाच्या मैदानात करण्यात आले होते. या कार्यशाळेसाठी जिल्ह्यातील २५ हजार महिलांनी उपस्थित लावली होती. विशेष म्हणजे या कार्यक्रमास गिरीराज सिंह केंद्रीय ग्रामविकास मंत्री व पंचायत राज मंत्री व भिवंडी खासदार केंद्रीय पंचायतराज मंत्री कपिल पाटील हे उपस्थित होते. यावेळी केंद्रीय मंत्री गिरीराज सिंह जेव्हा भाषण करत होते. त्यावेळी त्यांनी महीलांना काही सांगायचं आहे का असे विचारल्यावर एका महीलेने चक्क सिलेंडर भाव वाढीचा मुद्दा उपस्थित करून मंत्र्यांचा बुचकळ्यात पडले मात्र यावर केंद्रीय मंत्री गिरीराज सिंह यांनी कोणतेही प्रतिक्रिया दिली नाही. त्यानंतर काही वेळातच मंडप कोसळल्याने महिला वर्गात मोठा गोंधळ उडाला होता. तर दुसरीकडे आयोजकांना अर्ध्यावरच कार्यक्रम गुडांळ्यांची वेळ आल्याने महिला वर्गात नाराजीचे वातावरण पसरले आहे.
हेही वाचा - Punishment for Bachu Kadu : आमदार बच्चू कडूंना दोन वर्षांची शिक्षा, नाशिक सत्र न्यायालयाचा निकाल
